“ရဲ CDM ဝန်ထမ်းက စုစုပေါင်း (၄) ဦးရှိတယ်။ အဲ့ဒီထဲမှာ စခန်းမှူးတစ်ယောက်၊ ဗိုလ်လေး(ဒုရဲအုပ်)တစ်ယောက်၊ ရဲတပ်သား (၂) ဦး ပါတယ်။ မီးသတ် CDM ဝန်ထမ်းတွေလည်း အများကြီးရှိတယ်။ ကျွန်တော်တို့ဘက်မှာတော့ စစ်သား CDM ဆိုပြီး ဝင်လာတာတော့မရှိသေးဘူး။ တပ်နယ်မြေမဟုတ်တဲ့ အခါကြတော့ ရဲနဲ့ မီးသတ်နဲ့ကပဲ ကျွန်တော်တို့ဆီကို ဝင်လာပြီးတော့ အတူတကွပေါင်းပြီး တိုက်ပေးနေပါတယ်” လို့ မြောင်မြို့နယ် ပြည်သူ့ကာကွယ်ရေးနှင့်လုံခြုံရေးအဖွဲ့ ရဲ့ တာဝန်ခံ ကိုမင်းခေါင်က ပြောပါတယ်။