![](https://c8newsmm.com/wp-content/uploads/2022/02/274450172_251296873817813_6069383952846633008_n-rotated.jpg)
ရန်ကုန်၊ ဖေဖော်ဝါရီ (၂၂)
ဒီနေ့ မနက် (၆) နာရီဝန်းကျင်က ရှမ်းပြည်နယ်တောင်ပိုင်း၊ ဖယ်ခုံမြို့ လွယ်ပါသာဘုရားတောင် နဲ့ ကုန်းဆုံဘုရားတောင် မှာ တပ်စွဲထားတဲ့ စစ်ကောင်စီတပ်ဖွဲ့ဝင်တွေနဲ့ ပြည်သူ့ကာကွယ်ရေးတပ်တွေကြား တစ်နာရီနီးပါး တိုက်ပွဲဖြစ်ပွားခဲ့တယ်လို့ PDF Pekhon က ပြောပါတယ်။
![](https://c8newsmm.com/wp-content/uploads/2022/02/274000946_251296760484491_9174554155222712878_n-rotated.jpg)
တိုက်ပွဲအတွင်း စစ်ကောင်စီဘက်က (၅) ဦး ထက်မနည်း သေဆုံးခဲ့ပြီး စစ်ကောင်စီတပ်ဖွဲ့ဝင်တွေရဲ့ ဘီအေ ၁၀၀ တစ်လက်၊ အမ်အေ 2 တစ်လက်၊ အမ်အေ 3 တစ်လက်၊ ကျည်တချို့နဲ့ စစ်သုံးပစ္စည်း အနည်းငယ် သိမ်းဆည်းရမိခဲ့တယ်လို့ ထုတ်ပြန်ချက်မှာ ဖော်ပြထားပါတယ်။
PDF Pekhon ဘက်က ရဲဘော် (၃) ဦးလည်း ထိခိုက်ဒဏ်ရာရရှိခဲ့ပြီး တစ်ဦးဟာ စိုးရိမ်ရတဲ့ အခြေအနေမှာရှိနေပါတယ်။
![](https://c8newsmm.com/wp-content/uploads/2022/02/274535027_251296627151171_3281536513084968738_n-rotated.jpg)
ဒီနေ့ မနက်ပိုင်း PDF Pekhon နဲ့ တိုက်ပွဲဖြစ်ပွားခဲ့တဲ့ စစ်ကောင်စီတပ်ဟာ တပ်မ (၅၅) လက်အောက်ခံ ကလောအခြေစိုက် ခလရ – ၇ ဖြစ်တယ်လို့ သိရပါတယ်။