ရန်ကုန်၊ ဧပြီ(၁၅)
ပဲခူးတိုင်းဒေသကြီး၊ ဒိုက်ဦးမြို့နယ်မှာ အရက်မူးနေတဲ့ ရဲတပ်ဖွဲ့ဝင်အချင်းချင်း ပစ်ခတ်မှုဖြစ်ခဲ့ပြီး ဒုတပ်ကြပ်ဇင်မျိုးကိုကို သေဆုံးခဲ့တယ်လို့ ဒေသခံတွေဆီက သိရပါတယ်။
“မနေ့ကညပိုင်းမှာ ဖြစ်တာ၊ သူကဝေါမှာ တာဝန်ကျနေတာ၊ သူတို့အချင်းချင်း အရက်မူးပြီး ပစ်တာလို့သိရတယ်၊ ဝေါကနေ ဒိုက်ဦးကို အရက်လာသောက်တာ ထင်တယ်”လို့ ဒေသခံတစ်ဦးက ပြောပါတယ်။
ဒုတပ်ကြပ်ဇင်မျိုးကိုကို သေဆုံးတာနဲ့ပတ်သက်ပြီး ဝေါ PDF က ဒီနေ့မနက်ပိုင်းမှာ ကြေညာချက်ထုတ်ပြန်ထားပါတယ်။
“ဇင်မျိုးမျိုးကိုကို မှာ ဝေါမြို့က NLD PDF တွေကို အဓိကထား နှိပ်ကွက်နေသူတစ်ဦးဖြစ်၍ သူ့အကုသိုလ်နဲ့ သူသွားပြီဖြစ်ကြောင်း သတင်းကောင်ပါးအပ်ပါတယ်” လို့ ဝေါ PDF က လူမှုကွန်ယက်မှာ ရေးသားထားပါတယ်။
ရဲတပ်ဖွဲ့ဝင်အချင်းချင်း အရက်သောက်စားကာ ပစ်ခတ်မှုဖြစ်ခဲ့တာနဲ့ ပတ်သက်ပြီး စစ်ကောင်စီဘက်ကတော့ ထုတ်ပြန်ထားတာမတွေ့ရှိရသေးပါဘူး။