C8News

ရန်ကုန်၊ မေ (၆) ဒီနေ့ မေ (၆) ရက်နေက စတင်ကာ မေ (၈) ရက်နေ့အထိ (၃) ရက်ကြာ မိဘပြည်သူတွေအနေနဲ့ တနင်္သာရီတိုင်းဒေသကြီး၊ ထားဝယ်ခရိုင်၊ လောင်းလုံမြို့နယ်အတွင်းကို မော်တော်ကား၊ ဆိုင်ကယ်တွေနဲ့ ခရီးသွားလာတာ လုံး၀ (လုံးဝ) မပြုလုပ်ဖို့ လောင်းလုံမြို့နယ် ပြည်သူ့ကာကွယ်ရေးတပ်ဖွဲ့ က ပြောပါတယ်။

ရန်ကုန်၊ မေ (၅) မကြာခင်ကာလမှာ ပညာရေးနဲ့ ပတ်သက်ပြီး ဒီဂရီကောလိပ်တွေ၊ တက္ကသိုလ်တွေနဲ့ အခြေခံပညာကျောင်းတွေ ပြန်လည်ဖွင့်လှစ်မှာဖြစ်လို့ ဆရာ၊ ဆရာမတွေအပါအဝင် ကျောင်းသား၊ ကျောင်းသူတွေ အေးချမ်းလုံခြုံစွာနဲ့ ပညာ သင်ကြားနိုင်ရေးအတွက် လုံခြုံရေးကို ကြိုတင်စီမံထားဖို့ လိုတယ်လို့ ဒုတိယစစ်ခေါင်းဆောင် ဗိုလ်ချုပ်မှူးကြီး စိုးဝင်း က ပြောပါတယ်။

ရန်ကုန်၊ မေ (၁) စစ်ကောင်စီလက်အောက်ခံ ပျူစောထီးအဖွဲ့နဲ့ ပြည်သူ့ကာကွယ်ရေးတပ်တွေ ဒီနေ့ မနက် (၁) နာရီဝန်းကျင်က (၄၅) မိနစ်ကြာ တိုက်ပွဲဖြစ်ခဲ့လို့ လောင်းလုံမြို့နယ် ပြည်သူ့ကာကွယ်ရေးတပ်ဖွဲ့ က ရဲဘော်တစ်ဦး ထိခိုက်ဒဏ်ရာရရှိခဲ့ပါတယ်။

ရန်ကုန်၊ မေ(၁) ရန်ကုန်မြို့၊ တာမွေမြို့နယ်အတွင်းမှာ တော်လှန်ရေးအင်အားစုတွေက စုပေါင်းပြီး “တပ်ပျက်နေပြီ ဟေ့” ကြွေးကြော်သံတွေ ဟစ်ကြွေးပြီး အကြမ်းဖက်စစ်ခေါင်းဆောင် မင်းအောင်လှိုင် ပုံကိုမြေမှာချနင်းကာ ဒီနေ့မနက်ပိုင်းမှာ ချီတက်ဆန္ဒပြခဲ့ကြပါတယ်။

ရန်ကုန်၊ မေ (၁) မူးယစ်ဆေးဝါး သားကောင်တွေ ကျက်စားရာနေရာကို ဝင်ရောက်စီးနင်း ဖမ်းဆီးခဲ့လို့ သေနတ်တစ်လက်၊ ဓါးတစ်လက်၊ WY အလုံး (၁၉၀)၊ ပိုက် နဲ့ လုံးချင်း (၁၃၀) ပါ အထုတ် တစ်ထုတ် ကို သိမ်းဆည်းရမိခဲ့တယ်လို့ လောင်းလုံမြို့နယ် ပြည်သူ့ကာကွယ်ရေးတပ်ဖွဲ့က ပြောပါတယ်။