C8News

ရန်ကုန်၊ သြဂုတ် (၇) မုံရွာခရိုင်တပ်ရင်း ၅ – Aung San Force က လက်နက်ကြီး စမ်းသပ်မှု အောင်မြင်တယ်လို့ ဒီနေ့ ညနေပိုင်းမှာ လူမှုကွန်ယက်ကတစ်ဆင့် အသိပေး ပြောကြားခဲ့ပါတယ်။

ရန်ကုန်၊သြဂုတ်(၇) ကွမ်းယာရောင်းရင်း PDF နဲ့ CDM ဖမ်းဆီးဖို့ အမြဲပြောဆိုနေတဲ့ ပျူစောထီးအဖွဲ့ဝင် ဆိုတဲ့ မသန္တာ ကို မနေ့ညနေပိုင်းမှာ အမည်မသိ သေနတ်ကိုင်ဆောင်ထားသူတွေက ပစ်ခတ်ခဲ့တာကြောင့် သေဆုံးသွားပြီ ဖြစ်တယ်လို့ ဒေသခံပြည်သူတွေဆီက သိရပါတယ်။

ရန်ကုန်၊ သြဂုတ် (၇) (၃) ရက်အတွင်း တိုက်ခိုက်မှုတွေကြောင့် စစ်ကောင်စီတပ်က စစ်ကြောင်းမှူး အပါအဝင် (၃၆) ဦး သေဆုံးခဲ့တယ်လို့ ပြည်သူ့ကာကွယ်ရေးမြို့ပြ ပြောက်ကျားတပ်ဖွဲ့ (မန္တလေး) က ဒီနေ့မှာ ပြောပါတယ်။

ရန်ကုန်၊ သြဂုတ် (၇) ဒဿ Monywa PDF ပျောက်ကြားတပ်ဖွဲ့ ခေါင်းဆောင် ဗိုလ်ဒဿ မိုင်းမတော်တဆမှုကြောင့် ကွယ်လွန်သွားခဲ့တယ်လို့ ဒီနေ့ မနက်ပိုင်း ထုတ်ပြန်ချက်အရ သိရပါတယ်။ “အလေးနီပြုပါတယ် ဗိုလ်ဒဿရယ် ကောင်းရာသုဂတိသို့ရောက်ပါစေ ဆရာဒဿ ရေ…အရေးတော်ပုံအောင်ပီ၊ အရေးတော်ပုံအောင်ပီ၊ အရေးတော်ပုံအောင်ပီ နောင်ဘဝရောက်ရင် မျက်နှာစုတ်ပျက်တဲ့ဘဝနဲ့ မသေပါစေနဲ့ ဆရာဒဿရယ်” လို့ သူတို့ရဲ့ လူမှုကွန်ယက်မှာ ရေးသားထားပါတယ်။

ရန်ကုန်၊ သြဂုတ် (၇) ရန်ကုန်တိုင်းဒေသကြီး၊ အင်းစိန်မြို့နယ်၊ အောင်ဆန်းရပ်ကွက် အုပ်ချုပ်ရေးမှူးရုံးကနေ ပြန်လာတဲ့ အုပ်ချုပ်ရေးမှူး ဦးတင်မောင်နိုင် နဲ့ ဇနီးဖြစ်သူ ဒေါ်သီသီအေး တို့ သေနတ်နဲ့ ပစ်ခတ်ခံရလို့ ဇနီးဖြစ်သူ သေဆုံးသွားတယ်လို့ မြို့ခံတွေဆီက သိရပါတယ်။

ရန်ကုန်၊ သြဂုတ် (၆) စစ်ထွက် တစ်ဦးဖြစ်တဲ့ ဦးကျော်ဝင်း ကို သုတ်သင်ရှင်းလင်းလိုက်ပြီ ဖြစ်တယ်လို့ နတ်တလင်း၊ ပြည်သူ့ကာကွယ်ရေးတပ်ဖွဲ့က ပြောပါတယ်။

ရန်ကုန်၊သြဂုတ်(၆) ရပ်ကွက်အုပ်ချုပ်ရေးရုံးက ပြန်လာတဲ့ ရပ်ကျေးအုပ်ချုပ်ရေးမှူး ဦးဝင်းဇော် ကို အမည်မသိ လက်နက်ကိုင်ဆောင်ထားသူတွေက သေနတ်နဲ့ ပစ်ခတ်ခဲ့တာကြောင့် နေရာမှာတင် သေဆုံးခဲ့တယ်လို့ ဒေသခံပြည်သူတွေဆီက သိရပါတယ်။

ရန်ကုန်၊သြဂုတ်(၆) တနင်္သာရီတိုင်းဒေသကြီး၊ ထားဝယ်ခရိုင်၊ သရက်ချောင်းမြို့နယ်မှာ နေထိုင်တဲ့ သတင်းပေးဒလန် အဖြစ် သတ်မှတ်ခံထားရသူတွေ နေ့စဉ်ဆိုသလို ပစ်ခတ်ရှင်းလင်းခံနေရပြီး မနေ့ သြဂုတ်လ(၅)ရက်နေ့မှာ (၂)ဦး ပစ်ခတ်ခံရကာ သေဆုံးခဲ့တယ်လို့ ဒေသခံတွေဆီက သိရပါတယ်။