ရန်ကုန်၊ နိုဝင်ဘာ (၂၇)

တိုက်ပွဲအတွင်း ကျဆုံးခဲ့တဲ့ ချောင်းဦးမြို့နယ်ပြည်သူ့ကာကွယ်ရေးတပ်ဖွဲ့ က ရဲဘော်တွေရဲ့ ဈာပနမြင်ကွင်း ဖြစ်ပါတယ်။

ရဲဘော် အောင်ကိုမင်း၊ စိုးလွင်လွင် (ခ) တုတ်ကြီး၊ ရဲမျိုးဦး တို့ဟာ နိုဝင်ဘာ (၄) ရက်နေ့ တိုက်ပွဲမှာ ကျဆုံးခဲ့တာပါ။

ရဲဘော် လွင်မိုးအောင် ဟာ နိုဝင်ဘာ (၂၄) ရက်နေ့ တိုက်ပွဲမှာ ဒဏ်ရာရှိခဲ့ကာ နိုဝင်ဘာ (၂၆) ရက်နေ့မှာ ကျဆုံးခဲ့တာ ဖြစ်ပါတယ်။

“ကျဆုံးရဲဘော်များ၏ ရုပ်ကလာပ်များကို သင့်လျော်သော နေရာများတွင် စစ်အခမ်းအနားဖြင့် ကောင်းမွန်စွာသင်္ဂြုလ်ပြီးစီးပါပြီ။ ကျဆုံးသူရဲကောင်း အာဇာနည်များ ကောင်းရာသုဂတိလားပါစေ” လို့ သူတို့အဖွဲ့က ဒီနေ့ မနက်ပိုင်းက ကြေညာချက်ထုတ်ပြန်ခဲ့ပါတယ်။

စစ်ကောင်စီတပ်ဖွဲ့တွေနဲ့ ပြည်သူ့ကာကွယ်ရေးတပ်ဖွဲ့တွေ မကြာခဏဆိုသလို နိုင်ငံအနှံ့အပြားမှာ တိုက်ပွဲတွေ ဖြစ်ပွားနေတာပါ။