ရန်ကုန်၊ ဧပြီ (၂၆)
စစ်ကောင်စီတပ်တွေနဲ့ ပြည်သူ့ကာကွယ်ရေးတပ်တွေ၊ တိုင်းရင်းသား ကာကွယ်ရေးတပ်တွေကြား တိုက်ပွဲတွေ ပြင်းထန်နေလို့ ပြည်သူတွေ ဆင်းရဲဒုက္ခရောက်နေပေမယ့် စစ်ခေါင်းဆောင် ဗိုလ်ချုပ်မှူးကြီး မင်းအောင်လှိုင် က နေပြည်တော်မှာ ဘုရားတည်ဆောက်နေပါတယ်။
စစ်ခေါင်းဆောင်ဟာ နေပြည်တော်၊ ဒက္ခိဏသီရိမြို့နယ်က မာရဝိဇယ ဗုဒ္ဓ ဥယျာဉ်အတွင်းမှာ မာရဝိဇယ ဗုဒ္ဓရုပ်ပွားတော် တည်ဆောက်နေတာ ဖြစ်ပါတယ်။
” “မာရဝိဇယ” ဗုဒ္ဓရုပ်ပွားတော် ကို မြန်မာနိုင်ငံတွင် ထေရဝါဒဗုဒ္ဓ သာသနာတော်ကြီး ခိုင်မာစွာ ထွန်းလင်းတောက်ပလျက်ရှိမှုအား ကမ္ဘာကိုပြသရန်၊ မြန်မာနိုင်ငံသည်ထေရဝါဒ ဗုဒ္ဓဘာသာကိုးကွယ်မှု၏ ဗဟိုချက်ဖြစ်စေရန်၊ တိုင်းပြည် အေးချမ်း သာယာမှုရှိစေရန်၊ ကမ္ဘာကြီးငြိမ်းချမ်းသာယာမှုဖြစ်စေရန်” ဖြစ်တယ်လို့ စစ်ခေါင်းဆောင်က မနေ့က သွားရောက်ချိန်မှာ ပြောကြားခဲ့တာပါ။
အခုချိန်မှာ မာရဝိဇယ ဗုဒ္ဓရုပ်ပွားတော် ထုဆစ်မှုဟာ ၉၅ ရာခိုင် နှုန်း ပြီးစီး ဖြစ်ပါတယ်။
မြန်မာနိုင်ငံတစ်ဝန်းလုံးမှာ နေရပ်စွန့်ခွာ ထွက်ပြေးနေရသူ ၁ ဒသမ ၈ သန်းကျော်ရှိလာပြီတယ်လို့ ကုလသမဂ္ဂရဲ့ ဧပြီလ (၁၀) ရက် ထုတ်ပြန်ချက်အရ သိရပါတယ်။