ရန်ကုန်၊ မေ (၁၇)
ရန်ကုန်တိုင်းဒသေကြီး၊ မင်္ဂလာတောင်ညွန့်မြို့နယ်၊ မလွှကုန်းဘူတာနဲ့ ပုဇွန်တောင်ဘူတာကြားမှာ အမျိုးသားတစ်ဦး ရထားတိုက်မိလို့ သေဆုံးခဲ့တယ်လို့ မင်္ဂလာတောင်ညွန့်မြို့နယ် လူမှုကူညီရေးအသင်း ဆီက သိရပါတယ်။
ဒီနေ့ မနက် (၇) နာရီကျော်က “ဖုန်းဆက် အကူအညီတောင်းခံလာမှုကြောင့် ပုစွန်တောင်ဘူတာ နှင့် မလွှကုန်းဘူတာကြားရှိ A.92 A.95 ယန္တရားဝင်းရှေ့တွင် ရထားဖြင့်တိုက်မိထားပြီး သေဆုံးနေသော အမျိုးသား.18.နှစ် DB.အား YGH.သို့ ပို့ဆောင်ကူညီမှုပေးပြီး PR.044.ဖြင့် အပ်နှံကူညီ ကုသိုလ်ယူခဲ့ပါသည်။” လို့ သူတို့က ပြောပါတယ်။