ရန်ကုန်၊ ဇူလိုင် (၁၂)
ကရင်ပြည်နယ်၊ မြဝတီမြို့အနီး လတ်ခတ်တောင်၊ တုံးတံတားဒေသမှာ စစ်ကောင်စီတပ်တွေနဲ့ ဒေသခံကာကွယ်ရေးတပ်တွေ အခုလအတွင်းမှာပဲ တိုက်ပွဲတွေဆက်ဖြစ်နေတယ်လို့ သိရပါတယ်။
“တိုက်ပွဲဖြစ်စဉ်များအတွင်း မိမိတို့ပူးပေါင်းတပ်ဖွဲ့မှ တပ်ဖွဲ့ဝင်များ ပြည်သူများပို့သသော မေတ္တာကြောင့် အထိခိုက်တစ်စုံတစ်ရာမရှိပါ။” ဘူးလို့ တိုက်ပွဲမှာပါဝင်နေတဲ့ ကျားသစ်နက်စစ်ကြောင်းက ဒီနေ့မှာ ပြောပါတယ်။
စစ်ကောင်စီတပ်၊ သူရဲ့လက်အောက်ခံ BGF တပ်တွေနဲ့ တပ်မဟာ ၆ KNU/KNLA ပူးပေါင်းတပ်ဖွဲ့၊ ကော်ဘရာစစ်ကြောင်း (၁)၊ Federal Wings နဲ့ ကျားသစ်နက်စစ်ကြောင်းတို့ ပူးပေါင်း တိုက်ပွဲဝင်နေတာ ဖြစ်ပါတယ်။
မြဝတီမြို့အနီးက ကျောက်မိုင်းဒေသကို စစ်ကောင်စီဟာ ပြီးခဲ့တဲ့ ဇွန်လ (၂၄) ရက်နေ့က လက်နက်ကြီးတွေနဲ့ ပစ်ခတ်ခဲ့လို့ လူနေအိမ်တချို့ ပျက်စီးခဲ့သလို ရွာသား (၄) ယောက် ထိခိုက်ဒဏ်ရာရရှိခဲ့ပါသေးတယ်။