![](https://c8newsmm.com/wp-content/uploads/2023/11/405903665_722974083217178_6860845557270584103_n.jpg)
ရန်ကုန်၊နိုဝင်ဘာ(၁၉)
မွန်ပြည်နယ်၊ ကျိုက်မရောမြို့နယ်၊ ချောင်နှစ်ခွစခန်းကို စစ်ကူပေးဖို့ လာတဲ့ စစ်ကောင်စီတပ်ဖွဲ့နဲ့ BGF ပူးပေါင်းအဖွဲ့ကို ကြားဖြတ်တိုက်ခိုက်ခဲ့လို့ စစ်ကောင်စီဘက်က စစ်ဗိုလ်အပါအဝင် (၁၁)ယောက်သေပြီး (၄)ယောက်အရှင် ဖမ်းမိခဲ့တယ်လို့ နဂါးနီစစ်ကြောင်း ဆီကသိရပါတယ်။
အခုလ(၂၇)ရက်နေ့က စစ်ကောင်စီ တပ်မ ၂၂ ၊ တပ်မ ၄၄ နဲ့နယ်ခြားစောင့်တပ်ဖွဲ့(BGF) ပူးပေါင်းစစ်ကြောင်းကို နဂါးနီစစ်ကြောင်း၊ Federal Wings တပ်ဖွဲ့ နဲ့ KNLA တပ်ရင်း ၁၆ က ပူးပေါင်းတိုက်ခိုက်ခဲ့တာ ဖြစ်ပါတယ်။
![](https://c8newsmm.com/wp-content/uploads/2023/11/406208666_722974093217177_510262125177103917_n.jpg)
အဲ့ဒီတိုက်ပွဲမှာ စစ်ကောင်စီဘက်က ဗိုလ်ကြီးအဆင့် (၁)ယောက်၊ BGF နယ်ခြားစောင့်တပ် တပ်နယ် ၄ စစ်ကြောင်းမှူး ဗိုလ်မှူးနော်တယာ အပါအဝင် စစ်သား(၁၁)ယောက်သေဆုံးပြီး လက်နက်(၁၅)လက်သိမ်းဆည်းရရှိခဲ့တယ်လို့ သိရပါတယ်။
တိုက်ပွဲအတွင်း စစ်သား(၄)ယောက် လက်နက်ချ အညံ့ခံခဲ့လို့ စစ်သုံးပန်းဥပဒေနဲ့အညီ လက်ခံစောင့်ရှောက်ထားတယ်လို့ နဂါးနီစစ်ကြောင်း ကအသိပေးထားပါတယ်။