ရန်ကုန်၊ ဒီဇင်ဘာ (၂)
ရန်ကုန်တိုင်းဒေသကြီး၊ ဗိုလ်တထောင်မြို့နယ်၊ (၈) ရပ်ကွက်၊ မဟာဗန္ဓုလလမ်းနဲ့ ၄၁ လမ်းထိပ်မှာ ငွေသိန်းတစ်ထောင်ကျော် လုယက်ဓါးပြတိုက်မှု ဖြစ်ခဲ့တယ်လို့ ဒေသခံပြည်သူတွေက C8 News ကို ပြောပါတယ်။
လှိုင်မြို့နယ်မှာ နေထိုင်တဲ့ ဦးခင်မောင်ဝင်း ဟာ မနေ့ နေ့လယ်က မဟာဗန္ဓုလလမ်းနဲ့ ၄၁ လမ်းထိပ်မှာရှိနေချိန် မဟာဗန္ဓုလလမ်းအတိုင်း AA-2379(အဖြူရောင်)အငှားယာဉ်နှစ်စီးပေါ်ကနေ အမျိုးသားတချို့ ဆင်းလာပြီးနောက် သေနတ်ပြခြိမ်းခြောက်ပြီး ကျပ်သိန်းတစ်ထောင်ကျော်ကို လုယက်သွားခဲ့တာ ဖြစ်ပါတယ်။
ငွေကျပ်သိန်းတစ်ထောင်ကျော်ကို လုယက်ချိန်မှာ ဦးခင်မောင်ဝင်းနဲ့ အတူပါလာတဲ့ အမျိုးသားတစ်ယောက်ကိုပါ ဖမ်းဆီးခေါ်ဆောင်သွားပြီးနောက် ဦးခင်မောင်ဝင်းနဲ့ အမျိုးသားတစ်ယောက်ကို ဒဂုံတောင်မြို့နယ်အတွင်းမှာ ပြန်လည်လွှတ်ပေးခဲ့တာ ဖြစ်တယ်လို့ သိရပါတယ်။
စစ်ကောင်စီက အာဏာသိမ်းပြီးနောက် ရန်ကုန်တိုင်းအတွင်း လုယက်မှုနဲ့ ဓါးပြမှုတွေကို မကြာခဏ ဖြစ်လေ့ရှိပါတယ်။