ရန်ကုန်၊ ဒီဇင်ဘာ (၁၆)
မိမိတို့လက်ထဲရောက်လာတဲ့ စစ်ကောင်စီအဖွဲ့ဝင်တွေကို ဂုဏ်သိက္ခာရှိခွင့်နဲ့ အသက်ချမ်းသာခွင့် ပေးမယ်လို့ TNLA စစ်ဦးစီးချုပ် ဗိုလ်မှူးချုပ် တားဟိုပလန် ကပြောပါတယ်။
နမ့်ဆန်မြို့နယ် စစ်မြေပြင်အတွင်း ဖမ်းဆီးရမိတဲ့ စစ်သုံ့ပန်းတွေနဲ့ အခု ဒီဇင်ဘာ (၁၁) ရက်နေ့က တွေ့ဆုံချိန်မှာ ပြောဆိုခဲ့တာ ဖြစ်ပါတယ်။
ပလောင်ပြည်နယ်လွတ်မြောက်ရေးတပ်ဦး PSLF/တအာင်းအမျိုးသားလွတ်မြောက်ရေးတပ်မတော် TNLA စစ်သုံ့ပန်းဥပဒေကို လေးစားလိုက်နာတဲ့အဖွဲ့ ဖြစ်ပြီး ၁၀၂၇ စစ်ဆင်ရေးကာလအတွင်း တအာင်းပြည်နယ်အတွင်းမှာရှိတဲ့ စစ်ကောင်စီ စခန်းပေါင်း (၆၀) ကျော် သိမ်းဆီးရမိထားတယ်လို့ သူတို့က ပြောပါတယ်။