ရန်ကုန်၊ ဒီဇင်ဘာ (၁၆)
စစ်ကိုင်းတိုင်း၊ တမူးခရိုင်၊ ခမ်းပါတ်မြို့ကို နယ်မြေရှင်းလင်းရေးလုပ်ချိန် အရာရှိတစ်ယောက် အပါအဝင် စစ်ကောင်စီတပ်ဖွဲ့ဝင်တွေရဲ့ ရုပ်အလောင်း (၁၀) လောင်းကျော်ကို တွေ့ခဲ့တယ်လို့ အမျိုးသားညီညွတ်ရေးအစိုးရ NUG ကာကွယ်ရေးဝန်ကြီးဌာနက ဒီနေ့ နေ့လယ်မှာ ပြောပါတယ်။
ခမ်းပါတ်မြို့ကို စစ်ကြောင်းထိုးလာတယ် စစ်ကောင်စီတပ်ဖွဲ့ဝင်တွေကို ဒီနေ့ မနက်မှာ PDF ပူးပေါင်းတပ်ဖွဲ့တွေက တိုက်ခိုက်ခဲ့လို့ စစ်ကောင်စီတပ်တွေ ပြန်လည်ဆုတ်ခွာခဲ့တယ်လို့ သိရပါတယ်။
တိုက်ပွဲဖြစ်ပြီးတော့ စစ်ကောင်စီတပ်ဖွဲ့ဝင်တွေ ကျန်ခဲ့တဲ့ MA-10 RPG 7 (၁) လက်၊ MG-3 (၁) လက်၊ MA-S1 MK2 (၁) လက် အပါအဝင် လက်နက်မျိုးစုံ (၁၇) လက် ကို ရရှိခဲ့တယ်လို့ NUG ကာကွယ်ရေးဝန်ကြီးဌာန ကပြောပါတယ်။