C8News

ရခိုင်၊ဒီဇင်ဘာ(၁) ရခိုင်ပြည်နယ်၊ မင်းပြားမြို့နယ် တိုင်းဗဟို ၉ စစ်ကောင်စီတပ်စခန်းကနေ ကျေးရွာတွေကို လက်နက်ကြီးတွေနဲ့ ရမ်းသမ်းပစ်ခတ်နေတာကြောင့် မင်းပြားမြို့နယ်၊ အိုးပုံတောင်ကျေးရွာက အသက် ၂ နှစ် အရွယ် ကလေးတစ်ယောက် အပါအဝင် အရပ်သားပြည်သူ ၄ ယောက်ထိခိုက်ဒဏ်ရာရရှိခဲ့တယ်လို့ ညီနောင်မဟာမိတ် သုံးဖွဲ့က နိုဝင်ဘာ ၃၀ ရက်နေ့မှာ ထုတ်ပြန်ထားပါတယ်။

ရန်ကုန်၊ဒီဇင်ဘာ(၁) ဦးသိန်းညွန့် ဦးဆောင်တဲ့ အမျိုးသားဒီမိုကရေစီပါတီသစ် ရဲ့ ဥက္ကဌ ဦးသန်းထွန်း ဒီနေ့မနက်ပိုင်းမှာ သေနတ်ပစ်ခံရလို့ သေဆုံးသွားပြီ ဖြစ်တယ်လို့ သိရပါတယ်။

ရန်ကုန်၊ဒီဇင်ဘာ(၁) ကရင်ပြည်နယ်၊ ကော့ကရိတ်မြို့မှာ အာဏာသိမ်းစစ်ကောင်စီတပ်တွေနဲ့ KNLA ပူးပေါင်းတပ်တွေ နှစ်ဖက်တိုက်ပွဲပြင်းထန်နေလို့ ဒီနေ့မနက်က စစ်ကောင်စီရုံးတွေ မီးလောင်ပျက်စီးခဲ့ပြီး နှစ်ဖက်ပစ်ခတ်တာတွေကြောင့် ဒေသခံပြည်သူတွေအနေနဲ့ ဘေးလွတ်ရာမှာ ပုန်းအောင်းနေရတယ်လို့ သိရပါတယ်။

ရခိုင်၊ ဒီဇင်ဘာ(၁) စစ်ကောင်စီက ရခိုင်ပြည်နယ်ကို နိုဝင်ဘာ ၁၃ ရက်နေ့ကစပြီး ကုန်းလမ်း၊ ရေကြောင်းလမ်းတွေ ပိတ်ဆို့ထားလို့ မကြာခင်ကာလမှာ ရိက္ခာပြတ်လပ်တော့မယ့် အခြေအနေနဲ့ရင်ဆိုင်နေရတယ်လို့ ဒေသခံတွေက ပြောပါတယ်။