ရန်ကုန်၊ ဖေဖော်ဝါရီ (၁၂)
ရခိုင်ပြည်နယ်၊ မြောက်ဦးအခြေစိုက် စစ်ကောင်စီလက်အောက်ခံ ခမရ (၃၇၇) နဲ့ ခမရ (၃၇၈) တပ်တွေဆီက သိမ်းဆည်းရမိခဲ့တဲ့ လက်နက်တွေနဲ့ ခဲယမ်းတွေကို ရက္ခိုင့်တပ်တော် AA က ဒီနေ့မှာ အသိပေး ထုတ်ပြန်လိုက်ပါတယ်။
ကျောက်တော်မြို့နယ်၊ အပေါက်ဝရွာအနီး ဖြတ်သွားတဲ့ စစ်ကောင်စီရဲ့ စစ်သင်္ဘော (၂) စီးနဲ့ ဇက်သင်္ဘော (၁) စီးကိုလည်း ဖေဖော်ဝါရီ (၇) ရက်နဲ့ (၈) ရက်နေ့တွေမှာ AA က သိမ်းဆည်းနိုင်ခဲ့ပါတယ်။
