C8News

တနင်္သာရီ၊ ဩဂုတ် (၃၁) တနင်္သာရီတိုင်းဒေသကြီး၊ မြိတ်ခရိုင်၊ တနင်္သာရီမြို့နယ်၊ ဇဝဲကျေးရွာကနေ ဒီနေ့ မနက် ၇ နာရီခွဲကျော်က ခြေလျင်တက်လာတဲ့ စစ်ကောင်စီအဖွဲ့ကို မိုင်းဆွဲတိုက်ခိုက်ခဲ့လို့ စစ်ကောင်စီဘက်က (၄) ယောက်သေဆုံးခဲ့တယ်လို့ မြိတ်ပြည်သူ့ကာကွယ်ရေးအဖွဲ့ -ပကဖ မြိတ် ကပြောပါတယ်။

တနင်္သာရီ၊ ဩဂုတ် (၃၁) တနင်္သာရီတိုင်းဒေသကြီး၊ မြိတ်ခရိုင်၊ တနင်္သာရီမြို့နယ်၊ ၆ မိုင်ကျေးရွာမှာ ဖြစ်တဲ့ (၄) ရက်ကြာ တိုက်ပွဲအတွင်း စစ်ကောင်စီဘက်က ဗိုလ်ကြီးတစ်ယောက် အပါအဝင် (၇) ယောက် သေဆုံးခဲ့ပြီး (၁၀) ယောက်ကျော် ဒါဏ်ရာရရှိခဲ့တယ်လို့ မြိတ်ပြည်သူ့ကာကွယ်ရေးအဖွဲ့ -ပကဖ မြိတ် က ဒီနေ့မှာ ပြောပါတယ်။

ရှမ်း၊ ဩဂုတ် (၃၁) စစ်ကောင်စီ (၉၀၂) တပ်စခန်းနဲ့ တအာင်းအမျိုးသားလွတ်မြောက်ရေးတပ်မတော် TNLA တွေ ရှမ်းပြည်နယ်၊ နောင်ချိုမြို့နယ်၊ တောင်ခမ်းရွာမှာ တိုက်ပွဲတွေ ဆက်ဖြစ်နေတယ်လို့ သိရပါတယ်။

ရခိုင်၊ ဩဂုတ် (၃၀) ရခိုင်ပြည်နယ်၊ မောင်တောမြို့မှာ စစ်ကောင်စီတပ်ဖွဲ့ဝင်တွေ၊ စစ်ကောင်စီလက်အောက်ခံ ARSA၊ RSO၊ ARA နဲ့ အာရက္ခတပ်တော် AA တပ်ဖွဲ့ဝင်တွေ မနေ့ကအထိ တိုက်ပွဲတွေ ဆက်ဖြစ်နေတယ် သိရပါတယ်။

ရှမ်း၊ ဩဂုတ် (၃၀) ၁၀၂၇ စစ်ဆင်ရေး အပိုင်း (၂) စစ်ဆင်ရေးအတွင်း စစ်ကောင်စီဆီက ထပ်မံသိမ်းပိုက်နိုင်ခဲ့တဲ့ မြို့တွေမှာ အုပ်ချုပ်ရေးယန္တရား ကောင်းမွန်စွာ ပြန်လည် လည်ပတ်နိုင်ဖို့ လုပ်ဆောင်နေတယ်လို့ ပလောင်ပြည်နယ်လွတ်မြောက်ရေးတပ်ဦး PSLF/TNLA အထွေထွေအတွင်းရေးမှူး ဗိုလ်ချုပ်တားဘုန်းကျော် ကပြောပါတယ်။

ရှမ်း၊ ဩဂုတ် (၃၀) အခုလ ဩဂုတ်လ (၂၂) ရက်ကနေ မနေ့ကအထိ ရှေ့တန်းမှာ တိုက်ပွဲဝင်နေကြတဲ့ တအာင်းအမျိုးသားလွတ်မြောက်ရေးတပ်မတော် TNLA တပ်ဖွဲ့ဝင်တွေရဲ့ မြင်ကွင်းတွေ ဖြစ်ပါတယ်။ ၁၀၂၇ စစ်ဆင်ရေး အပိုင်း (၂) က အခုဆို ရက်ပေါင်း (၆၆) ကျော်ကြာပြီ ဖြစ်ပါတယ်။

ရန်ကုန်၊ ဩဂုတ် (၂၈) စစ်ကောင်စီနဲ့ပတ်သက်ပြီး နိုင်ငံတကာအသိုက်အဝန်းကနေ ထိရောက်တဲ့ အရေးယူ ဆောင်ရွက်မှု ပျက်ကွက်နေလို့ မြန်မာပြည်သူတွေ ခံစားနေရတဲ့ ဒုက္ခတွေက တစ်နေ့ထက်တစ်နေ့ ပိုမိုဆိုးရွားလာတယ်လို့ ကုလသမဂ္ဂဆိုင်ရာ မြန်မာအမြဲတမ်းကိုယ်စားလှယ် သံအမတ်ကြီး ဦးကျော်မိုးထွန်း ကထောက်ပြပါတယ်။

ရန်ကုန်၊ ဩဂုတ် (၂၈) မြန်မာနိုင်ငံရဲ့ အခြေအနေဟာ အဆိုးရွားဆုံး အရေးပေါ်အခြေအနေကို ရောက်နေပြီလို့ ကုလသမဂ္ဂ ဖွံ့ဖြိုးတိုးတက်ရေး အစီအစဉ် UNDP ကပြောပါတယ်။

ရန်ကုန်၊ ဩဂုတ် (၂၈) ငွေကြေးတန်ဖိုး ကျဆင်းမှုတွေနဲ့အတူ အထွေထွေ အကြပ်အတည်းတွေကို မွန်းကြပ်စွာ ရင်ဆိုင်နေရတဲ့ ပြည်သူတွေကို စစ်ကောင်စီက ဒုက္ခတွေ အထပ်ထပ်ပေးနိုင်ဖို့ အချိန်နဲ့အမျှ စဥ်းစားနေတာ ဖြစ်တယ်လို့ အမျိုးသားညီညွတ်ရေးအစိုးရ NUG ပြည်ထောင်စုဝန်ကြီးချုပ် မန်းဝင်းခိုင်သန်း ကပြောပါတယ်။

စစ်ကိုင်း၊ ဩဂုတ် (၂၈)​ စစ်ကိုင်းတိုင်းဒေသကြီး၊ ယင်းမာပင်ခရိုင်၊ ဆားလင်းကြီးမြို့ ရဲစခန်းက ရဲတပ်သားတစ်ယောက် ဓားမဆိုင်းတပ်မတော် ဆီကို လာရောက် အလင်းဝင်ခဲ့တယ်လို့ သိရပါတယ်။