C8News

တနင်္သာရီ၊ ဩဂုတ် (၂၇)​ တနင်္သာရီတိုင်းဒေသကြီးအတွင်းက ရှေ့တန်းတစ်နေရာမှာ ပြည်သူတွေရဲ့ ဘ၀လုံခြုံဖို့အတွက် တာဝန်ထမ်းဆောင်နေတဲ့ မြိတ်ပြည်သူ့ကာကွယ်ရေးအဖွဲ့က တပ်ဖွဲ့ဝင်တွေရဲ့ မြင်ကွင်းတွေကို မနေ့ညမှာ ထုတ်ပြန်လိုက်ပါတယ်။

ရန်ကုန်၊ ဩဂုတ် (၂၆) မန္တလေးတိုင်းဒေသကြီး၊ ပြင်ဦးလွင်ခရိုင်၊ သပိတ်ကျင်းမြို့သိမ်းတိုက်ပွဲမှာ အရှင်ဖမ်းမိခဲ့တဲ့ ဒုတိယဗိုလ်မှူးကြီး စိုးမင်းသူ ကို နိုင်ငံတကာ စစ်ဥပဒေတွေနဲ့အညီ ကောင်းမွန်စွာ ထိန်းသိမ်းထားရှိတယ်လို့ အမျိုးသားညီညွတ်ရေးအစိုးရ NUG ကာကွယ်ရေးဝန်ကြီးဌာနက ဒီနေ့မှာ ပြောပါတယ်။

မန္တလေး၊ ဩဂုတ် (၂၆) မန္တလေးတိုင်းဒေသကြီး၊ သပိတ်ကျင်းမြို့နယ်က ဗိုလ်မှူးချုပ် စိုးကျော်ထိုက် ဦးစီးတဲ့ ကွင်း (၅၀၀) တပ်စခန်းကို မနေ့က အပြီးသတ် သိမ်းပိုက်နိုင်ခဲ့တယ်လို့ ပြည်သူ့ကာကွယ်ရေးတပ်မတော် (မန္တလေး) စစ်ဦးစီးအဖွဲ့ က ဒီနေ့မှာ ပြောပါတယ်။

စစ်ကိုင်း၊ ဩဂုတ် (၂၆) စစ်ကိုင်းတိုင်းဒေသကြီး၊ ခန္တီးခရိုင်၊ ဟုမ္မလင်းမြို့နယ်၊ လောင်းမင်းရွာတိုက်ပွဲမှာ စစ်ကောင်စီဘက်က (၅) ယောက်ကို အရှင်ဖမ်းမိခဲ့ပြီး သေနတ် (၁၀) လက်၊ ကျည်မျိုးစုံ (၁၁၈၄) တောင့်၊ ဗုံးသီး (၆) လုံးနဲ့ ကျည်အိမ် (၂၁) ခု သိမ်းဆည်းရမိခဲ့တယ်လို့ အမှတ်-၁ စစ်ဒေသ က ဒီနေ့မှာ ပြောပါတယ်။

မန္တလေး၊ ဩဂုတ် (၂၆) မန္တလေးတိုင်းဒေသကြီး၊ ပြင်ဦးလွင်ခရိုင်၊ သပိတ်ကျင်းမြို့ကို တော်လှန်ရေးတပ်ဖွဲ့တွေက မနေ့က တိုက်ခိုက်သိမ်းပိုက်နိုင်ခဲ့ပြီးနောက် စစ်ကောင်စီဘက်က ဒုတိယဗိုလ်မှူးကြီး စိုးမင်းသူ ကို အရှင်ဖမ်းမိခဲ့တယ်လို့ အမှတ်-၁ စစ်ဒေသ ဆီကသိရပါတယ်။

ရန်ကုန်၊ ဩဂုတ် (၂၆) မြန်မာနိုင်ငံက ပြည်သူတွေရဲ့ ဘေးကင်းလုံခြုံရေးကို အလေးပေးဆောင်ရွက်ကြဖို့ သက်ဆိုင်သူအားလုံးကို ဆက်လက် တောင်းဆိုသွားမှာ ဖြစ်တယ်လို့ အမေရိကန် နိုင်ငံခြားရေးဝန်ကြီး အန်တိုနီ ဂျေ ဘလင်ကန် ကပြောပါတယ်။

ရန်ကုန်၊ ဩဂုတ် (၂၄) ပြည်သူတွေရဲ့ လုံခြုံရေးနဲ့ ဒေသအတွင်း တည်ငြိမ်အေးချမ်းစေဖို့ လုံခြုံရေးဆိုင်ရာ ကိစ္စရပ်တွေကို စနစ်တကျ ဆောင်ရွက်နေတယ်လို့ အာဏာသိမ်း စစ်ခေါင်းဆောင် မင်းအောင်လှိုင် ကပြောပါတယ်။

ရန်ကုန်၊ ဩဂုတ် (၂၂) မြန်မာနိုင်ငံက ပြဿနာတွေကို ရေရှည်တည်တံ့တဲ့ နည်းလမ်းတွေနဲ့ ဖြေရှင်းနိုင်မယ့် ပံ့ပိုးကူညီလိုတဲ့ နိုင်ငံတွေကို ကြိုဆိုတယ်လို့ ကုလသမဂ္ဂဆိုင်ရာ မြန်မာအမြဲတမ်းကိုယ်စားလှယ် သံအမတ်ကြီး ဦးကျော်မိုးထွန်း ကပြောပါတယ်။

ရှမ်း၊ ဩဂုတ် (၂၂) စစ်ကောင်စီကို တိုက်ခိုက်နေတာ ဒီနေ့နဲ့ဆို ရက်ပေါင်း (၅၈) ရက်ရှိပြီဖြစ်တယ်လို့ တအာင်းအမျိုးသားလွတ်မြောက်ရေးတပ်မတော် TNLA ကပြောပါတယ်။