C8News

ရခိုင်၊ ဧပြီ (၆) ရခိုင်ပြည်နယ်၊ ဘူးသီးတောင်မြို့ အခြေစိုက် ခမရ (၅၆၄) တပ်ရင်းဌာနချုပ် ကို တိုက်ခိုက်သိမ်းပိုက်နိုင်ပြီလို့ ရက္ခိုင့်တပ်တော် AA က ပြောပါတယ်။

ရန်ကုန်၊ ဧပြီ (၃) စစ်ကိုင်းတိုင်းဒေသကြီး၊ ရွှေဘိုမြို့၊ ကျောက်မြောင်းလမ်း၊ သန်းထိုက်အောင်ဆီဆိုင်အနီးမှာ ကင်းပုန်းဝတ်နေတဲ့ စစ်ကောင်စီအဖွဲ့ကို မနေ့ နေ့လယ်က မိုင်း (၃) လုံးနဲ့ တိုက်ခိုက်ခဲ့လို့ စစ်ကောင်စီအဖွဲ့ဝင် နှစ်ယောက် နေရာမှာ ပွဲချင်းပြီး သေဆုံးသွားခဲ့တယ်လို့ JOKER SBDF က ပြောပါတယ်။ စစ်ကောင်စီဟာ သေဆုံးသွားတဲ့ အလောင်းတွေကို သယ်ယူသွားပြီး ရွှေဘိုမြို့အတွင်းကို ပြန်လည်ဝင်ရောက်သွားတယ်လို့ မနေ့က ထုတ်ပြန်ချက်အရ သိရပါတယ်။ တိုက်ခိုက်မှုဖြစ်ခဲ့တဲ့ နေရာဆီက MA1 ကျည်ဘောက်တစ်ခုနဲ့ 5.56 ကျည်တချို့ သိမ်းဆည်းရခဲ့တယ်လို့ JOKER SBDF က ပြောပါတယ်။

ရန်ကုန်၊ မတ် (၂၃) စစ်တပ်က အာဏာသိမ်းပြီးနောက်ပိုင်း တရားဥပဒေစိုးမိုးမှု ပျက်ပြားတာ၊ ကာစီနိုလုပ်ငန်းတွေ ပိုမိုများပြားလာတာ၊ အွန်လိုင်းလိမ်လည်လှည့်ဖြားမှုတွေနဲ့ မူးယစ်ရောင်းဝယ်ဖောက်ကားမှုတွေ အပါအဝင် နိုင်ငံဖြတ်ကျော် ရာဇဝတ်လုပ်ငန်းတွေ ပိုမိုပြန့်ပွားလာပြီး ပိုမိုဆိုးရွားလာခဲ့တယ်လို့ မြန်မာအမြဲတမ်းကိုယ်စားလှယ် သံအမတ်ကြီး ဦးကျော်မိုးထွန်း ကပြောပါတယ်။

စစ်ကောင်စီက တိုက်ပွဲမဖြစ်တဲ့ ရှမ်းပြည်နယ် (တောင်ပိုင်း)၊ ပအိုဝ်း ကိုယ်ပိုင်အုပ်ချုပ်ခွင့်ရဒေသ၊ ပင်လောင်းမြို့နယ်၊ နန်းတုတ်ကျေးရွာကို မနေ့ ညက လေယာဉ်နဲ့ ဗုံးကြဲခဲ့တယ်လို့ ပအိုဝ်းအမျိုးသားလွတ်မြောက်ရေးတပ်မတော် PNLA ဆီက သိရပါတယ်။

ကယား၊ မတ် (၂၃) ကယားပြည်နယ် (ကရင်နီ)၊ လွိုင်ကော်မြို့နယ်က စခန်း (၁၂) ခု၊ဒီးမော့ဆိုမြို့နယ်က စခန်း(၁၃) ခု၊ ဖားဆောင်မြို့နယ်က စခန်း (၉) ခု၊ ဘောလခဲမြို့နယ်က စခန်း(၅) ခု၊ ရှားတောမြို့နယ်က စခန်း (၇) ခု၊ ဖယ်ခုံမြို့နယ်က (၁၇)ခု နဲ့ မယ်စဲ့မြို့နယ်က (၁) ခု၊ ဖရူဆိုမြို့နယ်က (၁) ခု စုစုပေါင်း စစ်ကောင်စီရဲ့ တပ်စခန်း (၆၅) ခုကို သိမ်းပိုက်ထားနိုင်ပြီ ဖြစ်ယ်လို့ ကရင်နီတိုင်းရင်းသားများ ကာကွယ်ရေးတပ်ဖွဲ့ KNDF က ဒီနေ့မှာ ပြောပါတယ်။

စစ်ကောင်စီဟာ ရခိုင်ဒေသအတွင်းက စစ်ပွဲတိုင်းမှာ ရှုံးနိမ့်နေလို့ တစ်ရက်ထက်တစ်ရက် တိုက်ခိုက်မှုတွေကို မိုက်ရူးရဲဆန်စွာ ပိုမိုပြုလုပ်လာတာကို တွေ့ရတယ်လို့ ရက္ခိုင့်တပ်တော် AA ကပြောပါတယ်။

ရန်ကုန်၊ မတ် (၁၉) မကွေးတိုင်းဒေသကြီး၊ ပခုက္ကူမြို့၊ ရွှေတန့်တစ် ဘုရားလမ်းဆုံအနီးကို ဖြတ်သွားချိန် စစ်ကောင်စီတွေ ပါလာတဲ့ ကားနှစ်စီးကို မနေ့ နေ့လယ်က မိုင်းခွဲတိုက်ခိုက်ခဲ့တယ်လို့ တိုက်ခိုက်မှုမှာ ပါဝင်ခဲ့တဲ့ ပခုက္ကူ – အထူးတပ်ဖွဲ့ ကပြောပါတယ်။

ရခိုင်ပြည်နယ်ရဲ့ ငြိမ်းချမ်းသာယာမှုမရှိခဲ့တဲ့ အတိတ်ကာလဆီကို လှမ်းကြည့်မိတိုင်း ဝမ်းနည်းစရာအဖြစ် အပျက်တွေနဲ့ကြုံနေတဲ့ အခြေအနေတစ်ခုကို ကြုံခဲ့ရဖူးပါတယ်။ လူအုပ်စု တစ်စုနဲ့ အုပ်စုတစုကြားမှာ ရန်ညှိုးတွေဖွဲ့ပြီး အတူယှဉ်တွဲနေထိုင်ဖို့ ခက်ခဲခဲ့တဲ့ ကာလတွေ ရှိခဲ့ပါတယ်။

ရှမ်းပြည်၊ မတ် (၁၄) ရှမ်းပြည်နယ်မြောက်ပိုင်း၊ ကွတ်ခိုင်မြို့နယ်အတွင်း ပျောက်ကြားဘောင်းဘီ ဝတ်ဆင်ထားသူတွေဆီက မူးယစ်ဆေးဝါးတွေဖမ်းဆီးရမိခဲ့တယ်လို့ ပလောင်ပြည်နယ်လွတ်မြောက်ရေးတပ်ဦး PSLF/TNLA ကပြောပါတယ်။

ရခိုင်၊ မတ် (၁၃) ရခိုင်ပြည်နယ်၊ မောင်တောမြို့က စစ်ကောင်စီရဲ့ အောင်သပြေ နယ်ခြားစောင့်တပ်စခန်း ကို တိုက်ခိုက်သိမ်းပိုက်နိုင်ခဲ့ပြီလို့ ရက္ခိုင့်တပ်တော် AA က အသိပေး ပြောကြားပါတယ်။