C8News

ရန်ကုန်၊ ဇွန် (၄) ဒေသကွပ်ကဲမှုစစ်ဌာနချုပ်(လွိုင်ကော်)၊ လွိုင်လင်လေးအခြေစိုက် အမှတ်(၅၃၀) ခြေမြန်တပ်ရင်းက လက်နက်မပါဘဲ ထွက်ပြေးလာတဲ့ တပ်သား (၃) ယောက်ကို အမျိုးသားညီညွတ်ရေးအစိုးရ ကာကွယ်ရေးဝန်ကြီးဌာနက ဖမ်းဆီး ထိန်းသိမ်းထားတယ်လို့ သိရပါတယ်။

ရန်ကုန်၊ ဇွန် (၄) အမျိုးသားညီညွတ်ရေးအစိုးရက စစ်ကိုင်းတိုင်းဒေသကြီးအတွင်းက PDF တပ်ရင်းတွေကို ပြီးခဲ့တဲ့ မေလက လက်နက်တွေ ပေးအပ်ခဲ့တယ်လို့ သိရပါတယ်။

ရန်ကုန်၊ ဇွန် (၃) စစ်ကောင်စီ တပ်ဖွဲ့ဝင်တစ်ယောက်ဖြစ်တဲ့ တပ်သား စသိန်းအောင် ဟာ သေနတ်၊ ကျည်အိမ်တွေ၊ ကျည်ဆံတွေနဲ့အတူ PDF-Zoland အဖွဲ့ဆီကို မေလ (၃၁) ရက်နေ့က လာရောက် ခိုလှုံခဲ့တယ်လို့ သူတို့က ဒီနေ့မှာ ပြောပါတယ်။

ရန်ကုန်၊ဇွန်(၃) ရန်ကုန်တိုင်းဒေသကြီး၊ ဒဂုံမြို့သစ်(ဆိပ်ကမ်း)မြို့နယ်၊ မြို့မရဲစခန်း ကို မနေ့က(ဇွန်၂)ရက် ညပိုင်းမှာ အမည်မသိ လက်နက်ကိုင်ဆောင်ထားသူတချို့က လာရောက်တိုက်ခိုက်ခဲ့တယ်လို့ ဒေသခံတွေဆီက သိရပါတယ်။

ရန်ကုန်၊ ဇွန် (၃) ရှမ်းပြည်နယ်၊ ကလောခရိုင်၊ ဖယ်ခုံမြို့နယ် စစ်ကောင်စီ တပ်မ ၆၆ လက်အောက်ခံ တပ်ရင်းတွေဖြစ်တဲ့ စလွယ်ဟွဲ နဲ့ လွယ်လုံရွာ စစ်ကြောင်း၊ ခေါင်းအိ နဲ့ စက်တော်ရွာဘက် စစ်ကြောင်း နဲ့ လတူးဘက် စစ်ကြောင်း စုစုပေါင်းစစ်ကြောင်း (၃) ကြောင်း ကို PDF တွေ ပူးပေါင်းတိုက်ခိုက်ခဲ့တယ်လို့ သိရပါတယ်။

ရန်ကုန်၊ မေ (၃၁) CDF-KKG တပ်ရင်း (၂) က လေ့ကျင့်သင်ကြားပေးခဲ့တဲ့ အခြေခံစစ်ပညာသင်တန်း သင်တန်းဆင်းပွဲကို ပြီးခဲ့တဲ့ ရက်ပိုင်းက တောတွင်းတစ်နေရာမှာ ပြုလုပ်ခဲ့တယ်လို့ မနေ့က ဖော်ပြချက်အရ သိရပါတယ်။

ရန်ကုန်၊ မေ (၃၀) တော်လှန်ရေးက တချို့နေရာတွေမှာ အဆင့်တစ်ခုကို ရောက်ရှိနေပြီ ဖြစ်တယ်လို့ အမျိုးသားညီညွတ်ရေးအစိုးရ ပြည်ထောင်စုဝန်ကြီးချုပ် မန်းဝင်းခိုင်သန်း ပြောပါတယ်။

ရန်ကုန်၊ မေ (၃၀) မုံရွာ-မန္တလေးလမ်းကနေ ဖြတ်သွားတဲ့ စစ်ကောင်စီယာဉ်တန်းကား (၄) စီး ကို မနေ့ညက တိုက်ခိုက်ခဲ့တယ်လို့ ပူးပေါင်းမဟာမိတ်တပ်ဖွဲ့တွေဆီက သိရပါတယ်။

ရန်ကုန်၊ မေ (၂၉) ဗမာပြည်သူ့လွတ်မြောက်ရေးတပ်တော်(BPLA) ရဲ့ အပတ်စဉ်(၅) အခြေခံစစ်ပညာသင်တန်းပွဲကို အမှတ်(၂၀၃)စစ်ဒေသမှာ ပြုလုပ်ခဲ့တယ်လို့ သူတို့က မနေ့က ဖော်ပြခဲ့ပါတယ်။

ရန်ကုန်၊ မေ (၂၉) ကရင်ပြည်နယ်၊ မြဝတီမြို့တောင်ဘက်အခြမ်းမှာရှိတဲ့ စစ်ကောင်စီရဲ့ ဝေါ်လေဗျူဟာကုန်း၊ မော်စခန်း နဲ့ ကနဲလေးစခန်းတို့ကို မေလ (၂၃) ရက်နေ့က စတင်ကာ တစ်ပြိုင်ထဲ တိုက်ခိုက်ခဲ့လို့ Federal Wings ဒရုန်းတပ်ဖွဲ့က ဒီနေ့မှာ ပြောပါတယ်။