C8News

ရန်ကုန်၊ သြဂုတ် (၈) ရှမ်းပြည်နယ်၊ မိုးမိတ်မြို့နယ်အနီးက စစ်ကောင်စီတပ်စခန်းတစ်ခုကို Red Wolves Of Mogok တပ်ဖွဲ့က သြဂုတ်လ (၃) ရက်နေ့က တိုက်ခိုက်ခဲ့တဲ့ ရုပ်သံကို ဒီနေ့မှာ မနက်ပိုင်းမှာ လူမှုကွန်ယက်ကတစ်ဆင့် အသိပေးပြောကြားလိုက်ပါတယ်။ “အထိအခိုက် အသေအပျောက်ကို သေချာမသိရသေးပေမယ့် ခွေးစခန်းအတွင်းမှ အဆောက်အဦးအကြီးတစ်ခုပေါ်သို့ လက်နက်ကြီး ကျမှန်ခဲ့တာကြောင့် အထိအခိုက် အသေအပျောက်ရှိ” နိုင်တယ်လို့ သူတို့က အဖွဲ့က ပြောပါတယ်။

ရန်ကုန်၊ သြဂုတ် (၈) စစ်ကိုင်းတိုင်းဒေသကြီး၊ ရေဦးခရိုင်ထဲမှာရှိတဲ့ တန့်ဆည်မြို့မှာ Taze Unnamed Squad နဲ့ စစ်ကောင်စီတပ်တွေကြား မနေ့က အပြန်အလှန် ပစ်ခတ်မှု ဖြစ်ပွားခဲ့ပါတယ်။ အပြန်အလှန် ပစ်ခတ်မှုကြောင့် စစ်ကောင်စီ တပ်ဖွဲ့ဝင် (၇) ဦး သေဆုံးခဲ့ကာ လက်နက် (၆) လက်သိမ်းဆည်းရမိခဲ့တယ်လို့ သိရပါတယ်။

ရန်ကုန်၊ သြဂုတ် (၈) ချင်းတွင်းမြစ်ကြောင်းအတိုင်း မောင်းနှင်လာတဲ့ စစ်ကောင်စီရဲ့ ရိက္ခာသယ် ရေယာဉ် ကို မုဌောနဲ့ ချိုင် ကြားက ပွတ်လုံးဒေသကို အရောက်မှာ PDF အဖွဲ့ (၁၅) ဖွဲ့က ပူးပေါင်းတိုက်ခိုက်ခဲ့ကြပါတယ်။ “စခ (၅) ကောင်ဒဏ်ရာ ရရှိကာ အသေအပျောက် အတိအကျမသိရပေ။ ရေယာဉ် တစီးအင်ဂျင်စက် ချို့ယွင်းခဲ့” တယ်လို့ ဒေသခံတွေရဲ့ ပြောပြချက်ကို သူတို့က ထုတ်ပြန်ချက်မှာ ပြန်လည် ဖော်ပြထားပါတယ်။ တိုက်ခိုက်မှုကို သြဂုတ်လ (၆) ရက်နေ့ မနက်ပိုင်းက ပြုလုပ်ခဲ့ပြီး “ပြည်သူများ ပို့သသော မေတ္တာများဖြင့် ရဲဘော်များ အားလုံး အထိအခိုက်မရှိ ဆုတ်ခွါနိုင်ခဲ့” တယ်လို့ ပြောပါတယ်။ Video- CGYDF

ရန်ကုန်၊သြဂုတ်(၇) စစ်ကိုင်းတိုင်းဒေသကြီး၊ မုံရွာ-မန္တလေးလမ်းမကြီးပေါ် မိုင်းရှာထွက်လာချိန် မိုင်းပေါက်ကွဲမှုဖြစ်ပြီး စစ်ကောင်စီ လက်အောက်ခံ စစ်သား (၄) ဦးသေဆုံးခဲ့တယ်လို့ Brave Heart Army – BHA ဆီ က သိရပါတယ်။ မနေ့ သြဂုတ်လ(၆)ရက်နေ့မှာ ပေါက်ကွဲခဲ့တာဖြစ်ပြီး စစ်သား(၄) ဦးသေဆုံးခဲ့သလို ဒဏ်ရာရှိသူတွေလည်း ရှိခဲ့ပါတယ်။