C8News

ရန်ကုန်၊ ဇန်နဝါရီ (၁၇) ရန်ကုန်တိုင်းဒေသကြီး၊ ကျောက်တံတားမြို့နယ်၊ EPC ရုံး ဖောက်ခွဲမှုမှာ ရုံးအနီးက အမျိုးသမီးတစ်ဦး ထိခိုက်ဒဏ်ရာ ရရှိသွားတယ်လို့ ကြားသိရတဲ့အတွက် ဝမ်းနည်းစိတ်မကောင်းဖြစ်ပြီး တောင်းပန်ပါတယ်လို့ (YGN) Dark Shadow က ပြောပါတယ်။ “ကျနော့်တို့တွေ ပိုမိုဂရုစိုက်ပြီး စစ်ကောင်စီ ရဲ့ ဒေါက်တိုင်အကုန်လုံးကို ရှင်းလင်းသုတ်သင်သွားမယ်” လို့ သူတို့ အဖွဲ့က ကတိပြုပြောကြားခဲ့ပါတယ်။ ကျောက်တံတားမြို့နယ်၊ EPC ရုံးဖောက်ခွဲမှုကို မနေ့ မနက်ပိုင်းက ပြုလုပ်ခဲ့တာဖြစ်ပြီး အခုလ (၈) ရက်နေ့ မနက်ပိုင်းကလည်း (YGN) Dark Shadow အဖွဲ့ဟာ လမ်းမတော်မြို့နယ် ရဲစခန်း ကို ဖောက်ခွဲမှု ပြုလုပ်ခဲ့ပါသေးတယ်။ “ပြည်သူများအနေနဲ့ စစ်ကောင်စီ ဒေါက်တိုင်တွေနဲ့ ဝေးဝေးကင်းကင်း နေပေးကြပါနော်။ CCTV…

ရန်ကုန်၊ ဇန်နဝါရီ (၁၆) ကရင်နီပြည်နယ် (ကယား)၊ ဒီးမော့ဆိုမြို့နယ်၊ နန်းမယ်ခုံရွာ နဲ့ လွိုင်ကော်မြို့နယ်၊ မိုင်းလုံရပ်ကွက် ဘက်ကို စစ်ကောင်စီတပ်က တိုက်လေယာဉ်တွေ အသုံးပြုပြီး ဒီနေ့ ညနေ (၅) နာရီခွဲ က ဗုံးကြဲ တိုက်ခိုက်ခဲ့လို့ အပြစ်မဲ့ပြည်သူတချို့ ထိခိုက်၊ သေဆုံးတာတွေ ရှိခဲ့တယ်လို့ ဒေသခံပြည်သူ တွေက ပြောပါတယ်။ “ရှေ့အပတ်ကတော့ ကြိုတင်သတင်းရတော့ ပြည်သူတွေကြိုရှောင်တော့ ထိခိုက်မူမရှိဘူးဗျ။ အခုက ရုတ်တစ်ရက် လေယာဉ် နဲ့ လာပြီး ဗုံးကြဲချလိုက်တော့ စစ်ဘေးရှောင်အပြစ်မဲ့ ပြည်သူတွေ အတော်များများထိတယ်ဗျ။ ခုလက်ရှိတော့ (၃) ယောက် ထိထားတယ်။ အတိကျတော့ မသိရသေးဘူး။ ခုထိလေယာဉ်တွေနဲ့ ကြဲနေလို့ အခြေနေတွေက မတည်ငြိမ်လို့ သေချာမသိရသေးဘူးဗျ။ အခုလက်ရှိက မီးတွေပျက်ပြီး လိုင်းတွေဖြတ်ထားလို့…

ရန်ကုန်၊ ဇန်နဝါရီ (၁၆) စားသောက်ကုန် ပစ္စည်း တွေကို ပြည်တွင်းမှာ လုံလောက်စွာ ထုတ်လုပ်နိုင်မယ်ဆိုပါက ပြည်ပသွင်းကုန် တွေကို လျှော့ချနိုင်မှာဖြစ်တဲ့အပြင် နိုင်ငံခြားငွေသုံးစွဲမှု ကို လျှော့ချနိုင်မှာ ဖြစ်တယ်လို့ အာဏာသိမ်း စစ်ခေါင်းဆောင် ဗိုလ်ချုပ်မှူးကြီး မင်းအောင်လှိုင်က ပြောပါတယ်။ တနင်္သာရီတိုင်းဒေသကြီး ဟာ ဆန်ဖူလုံမှုမရှိတဲ့အတွက် စီမံကိန်းတွေ ဆောင်ရွက်ရာမှာ လယ်မြေ တွေကို အသုံးမပြုဖို့ နဲ့ မြေကိုအကျိုးရှိစွာအသုံးချဖို့ လိုအပ်တယ်လို့ မနေ့က မြိတ်ခရိုင် အတွင်း ငါးဖမ်းလုပ်ငန်း၊ ငါးပုဇွန်မွေးမြူရေးလုပ်ငန်း နဲ့ ဒေသအတွင်းအကောင်အထည်ဖော် ဆောင်ရွက်မယ့် စီမံကိန်း အစည်းအဝေးမှာ သူက အခုလို ပြောဆိုလိုက်ပါတယ်။ မြိတ်မြို့ဆိပ်ကမ်း ကို နိုင်ငံတကာအဆင့်မီဆိပ်ကမ်း တစ်ခုဖြစ်အောင် ကြိုးပမ်းဆောင်ရွက်ဖို့ လိုအပ်ပြီး တနင်္သာရီတိုင်းဒေသကြီး အတွင်းမှာ သံရိုင်း၊ ကျောက်မီးသွေး…

ရန်ကုန်၊ ဇန်နဝါရီ (၁၆) ဒီနေ့ မနက်ပိုင်းက ရန်ကုန်တိုင်းဒေသကြီး၊ ကျောက်တံတားမြို့နယ်၊ EPC ရုံး မှာ ပေါက်ကွဲမှု ဖြစ်ပွားခဲ့တယ်လို့ ဒေသခံပြည်သူတွေဆီက သိရပါတယ်။ ဖောက်ခွဲမှုကို ပြည်သူ့ကာကွယ်ရေးမြို့ပြပျောက်ကျားတပ်ဖွဲ့ (YGN) Dark Shadow ပြုလုပ်ခဲ့တာဖြစ်ပါတယ်။ “စစ်ကောင်စီလက်အောက်ခံ ဒေါက်တိုင်များနှင့် ဒလန်များအား ရှင်းလင်းသုတ်သင် သွားမယ်ဖြစ်သောကြောင့် ပြည်သူများအနေဖြင့် လူသတ်စစ်ကောင်စီအားကျည်ဆံဖိုးများ မထောက်ပံ့ပေးကြရန်နှင့် တရားဝင်ဒီမိုကရေစီအစိုးရ ကျမှသာပြန်လည် ပေးသွင်းပေးကြပါရန် မေတ္တာရပ်ခံအပ်ပါသည်။” လို့ Dark Shadow ဒီနေ့ထုတ်ပြန်ချက်ထဲမှာ တိုက်တွန်းပြောဆိုထားပါသေးတယ်။ အခုလ (၈) ရက်နေ့ မနက်ပိုင်းကလည်း Dark Shadow အဖွဲ့ဟာ လမ်းမတော်မြို့နယ် ရဲစခန်း ကို ပေါက်ကွဲမှု ပြုလုပ်ခဲ့ပါသေးတယ်။

ရန်ကုန်၊ ဇန်နဝါရီ (၁၆) စစ်ကိုင်းတိုင်းဒေသကြီး၊ ထီးချိုင့်မြို့နယ်၊ မန္တလေး-ဗန်းမော်ကားလမ်း ပေါ်မှာ မိုင်းဆွဲတိုက်ခိုက်ခံရလို့ အကြမ်းဖက်စစ်တပ် အရာရှိအပါအဝင် စစ်သား (၁၅) ဦးထက်မနည်း သေဆုံးခဲ့ပြီး စစ်ကားတစ်စီးပျက်စီးခဲ့တယ်လို့ ဒေသခံပြည်သူ့ကာကွယ်ရေးတပ်ဖွဲ့ တွေဆီက သိရပါတယ်။ မနေ့က ဇန်နဝါရီ (၁၅) ရက်နေ့ မနက်ပိုင်း က ထီးချိုင့်မြို့နယ်၊ ဧရာဝတီမြစ် အရှေ့ဘက်ခြမ်း၊ မန္တလေး-ဗန်းမော်ကားလမ်း၊ ပေါက်နက်ရွာ အနီးမှာ အကြမ်းဖက်စစ်ကောင်စီ ယာဉ် (၄) စီး ကို ထီးချိုင့် PDF က မိုင်းဆွဲတိုက်ခိုက်ရာမှာ ကားတစ်စီး ပျက်စီး သွားခဲ့တာ ဖြစ်ပါတယ်။ ဆက်လက်မောင်းနှင်လာတဲ့ အကြမ်းဖက်စစ်ကောင်စီ ကားတွေကို တုံလုံရွာ အနီးမှာ ဒုတိယအကြိမ် မိုင်းဆွဲတိုက်ခိုက်ခဲ့တာ ဖြစ်တယ်လို့ Kathar Revolution- IR က…

ရန်ကုန်၊ဇန်နဝါရီ(၁၆) ရန်ကုန်မြို့၊ အလုံမြို့နယ်၊ စောရန်ပိုင်ရပ်ကွက်၊ ထော်လီကွေ့ အနီးက ထူးဆီဆိုင်မှာ ဒီနေ့မနက်အစောပိုင်းက မီးလောင်မှု ဖြစ်ပွားခဲ့တယ်လို့ သိရပါတယ်။ “မနက် (၄) နာရီလောက်မှာ၊ ပေါက်ကွဲသံလို အသံအကျယ်ကြီးကြားတယ် ဗုံးပေါက်တယ်လို့ ထင်နေတာ၊ နောက်မှ ထူးဆီဆိုင် မီးလောင်တယ်ဆိုပြီး သိရတယ်၊ ဘာကြောင့်လောင်တယ် ဆိုတာတော့မသိဘူး၊ အဆောက်အဆုံတွေတော့ပျက်စီးသွားတယ်၊ အဲ့နားကလူတွေ အကုန်လန့်ပြီး ပြေးကြရတယ် ဆီဆိုင်ဆိုတော့ ပတ်ဝန်းကျင် မီးကူးမှာ ကြောက်လို့လေ” လို့ အလုံမြို့နယ် အတွင်းမှာ နေထိုင်သူတဲ့ ပြည်သူတစ်ဦးက ပြောပါတယ်။ မီးလောင်ကျွမ်းတာနဲ့ ပတ်သက်ပြီး (၄:၂၅) အချိန် မီးထိန်းကာ (၄:၃၀) အချိန်မီးငြိမ်း ခဲ့တယ်လို့ မြန်မာနိုင်ငံမီးသတ်တပ်ဖွဲ့ က လူမှုကွန်ယက်စာမျက်နှာမှာ ရေးသားထားပါတယ်။

ရန်ကုန်၊ဇန်နဝါရီ(၁၅) ၂၀၂၀ ခုနှစ် အထွေထွေရွေးကောက်ပွဲ မှာ နိုင်ငံသားမှတ်ပုံတင် တစ်ခုထဲနဲ့ (၂) ကြိမ်မဲပေးခဲ့သူတွေ နဲ့ ပြည်ထောင်စုရွေးကောက်ပွဲကော်မရှင် အဖွဲ့ဝင်ဟောင်း (၂၄၈၇) ဦး ကို ဥပဒေအရ တရားစွဲဆိုသွားမှာ ဖြစ်တယ်လို့ စစ်ကောင်စီက ပြန်လည်ခန့်အပ်ထားတဲ့ ပြည်ထောင်စု ရွေးကောက်ပွဲကော်မရှင် အဖွဲ့ဝင် ဦးခင်မောင်ဦး က ပြောဆိုလိုက်ပါတယ်။ “တိုင်းဒေသကြီး နဲ့ ပြည်နယ်တွေက မဲစာရင်းတွေကို စီစစ်လိုက်တော့ နိုင်ငံသားစိစစ်ရေးကတ် တစ်ခုထဲကို မဲစာရင်း (၂) ကြိမ် (၃) ကြိမ် နဲ့ အထက်ပါဝင်နေတဲ့သူတွေကို တွေ့ရပါတယ်၊ နိုင်ငံသားစိစစ်ရေးကတ်တူ အမည်တူ မဲပေးသူပေါင်း (၂၁၆၉) ဦးကို အရေးယူနိုင်ရေး တိုင်ကြားတရားစွဲဆိုတာတွေ ဆောင်ရွက်နေပြီး ဆက်လက်ပြီးတော့ တိုက်ဆိုင်စစ်ဆေးဆဲဖြစ်တယ်” လို့ မနေ့က ဇန်နဝါရီလ(၁၄)ရက်နေ့မှာ ပြုလုပ်တဲ့…

ရန်ကုန်၊ ဇန်နဝါရီ (၁၅) မန္တလေးတိုင်းဒေသကြီး၊ မန္တလေးမြို့၊ (၃၅) လမ်း၊ (၈၆) လမ်း နဲ့ (၈၇) လမ်း ကြားက EPC ရုံး ရှေ့မှာ ကင်းစောင့်နေတဲ့ စစ်ကောင်စီတပ်ဖွဲ့ဝင် တွေကို ဒေသခံပြည်သူ့ကာကွယ်ရေးအဖွဲ့ တွေ က မနေ့ညပိုင်းမှာ ပစ်ခတ်တိုက်ခိုက်ခဲ့တယ်လို့ သိရပါတယ်။ “ပစ်ခတ်ချိန် လမ်းလျှောက်နေတေဲ့ စစ်ကောင်စီ တစ်ကောင် လှဲကျသွားတယ် ကျန်တစ်ကောင်က သဲအိပ်ဘန်ကာအောက်ကို ဝင်ပုန်းတာလား ကျွန်တော်တို့ပစ်လို့ လှဲကျသွားတာတော့ အတည်မပြုနိုင်ပါသေးဘူး။” Phoenix-အထူးပြောက်ကျားတပ်ဖွဲ့ က ခေါင်းဆောင်တစ်ဦးဖြစ်တဲ့ ဗိုလ်လင်းယုန် က ပြောပါတယ်။ ပစ်ခတ်တိုက်ခိုက်ခဲ့လိုက်လို့ စစ်ကောင်စီတပ်ဖွဲ့ဝင်တစ်ဦး သေဆုံးသွားခဲ့တယ်လို့ သိရပါတယ်။ “စစ်ကောင်စီတွေ အနေနဲ့ သတ္တိရှိရင် မောင်းပြန်ချင်း ယှဉ်ပစ်မယ်။ လက်နက်မရှိတဲ့ အပြစ်မဲ့ပြည်သူတွေကို လက်နက်ပြပြီး အနိုင်ကျင့်တဲ့လုပ်ရပ်တွေကို…

ရန်ကုန်၊ဇန်နဝါရီ(၁၅) စစ်ကိုင်းတိုင်းဒေသကြီး၊ မြောင်မြို့နယ် အတွင်းမှာ အကြမ်းဖက်စစ်တပ် က မီးရှို့ဖျက်ဆီးခဲ့တဲ့ ကျေးရွာအတွင်းက ပြည်သူတွေကို ဒေသခံပြည်သူ့ကာကွယ်ရေးတပ်ဖွဲ့ PDF တွေ စုပေါင်းပြီး မနေ့က ဇန်နဝါရီ (၁၄) ရက်နေ့မှာ သွားရောက်ကူညီလှူဒါန်းခဲ့တယ်လို့ သိရပါတယ်။ မြောင်မြို့နယ်၊ ဆွဲလဲအိုကျေးရွာ နဲ့ နဘက်ကျေးရွာ က မီးဘေးသင့်ပြည်သူတွေကို Myaung Union Army-MUA ၊ အမျိုးသမီးပြောက်ကျား စစ်သည်တော်များအဖွဲ့(မြောင်)-M2W နဲ့ မြောင်မြိုနယ် ပြည်သူ့ကာကွယ်ရေးနှင့်လုံခြုံရေးအဖွဲ့- CDSOM က ပူးပေါင်းကူညီလှူဒါန်းခဲ့တာ ဖြစ်ပါတယ်။ ပြီးခဲ့တဲ့ ဇန်နဝါရီလ(၁၁)ရက်နေ့မှာ နဘက်ကျေးရွာက နေအိမ်(၆)လုံး နဲ့ ဆွဲလဲအိုကျေးရွာ က နေအိမ်(၁၃) လုံးကို စစ်ကောင်စီလက်အောက်ခံ စစ်သားတွေက အကြောင်းမဲ့ မီးရှို့ဖျက်ဆီးခဲ့တာ ဖြစ်ပါတယ်။ ဒေသခံပြည်သူ့ကာကွယ်ရေးတပ်ဖွဲ့ PDF တွေကို…

“ကျွန်တော်တို့က ခွေးတွေလုပ်တဲ့ အကျင့်ကို မကြိုက်လို့တော်လှန်နေတာလေ။ သူတို့လုပ်တဲ့ လမ်းကြောင်းအတိုင်း ဝင်သွားမှာပေါ့။ ငါနဲ့မတူ ငါရန်သူဆိုပြီး ဖြစ်သွားမယ်။ လက်ရှိသူတို့သာလျှင် ဒီအိမ်က PDF တစ်ယောက်ရှိတယ်ဆိုရင် မိသားစုရော ကလေးရော ဖမ်းတယ်။ ဒီအိမ်မှာ ဒလန်တစ်ယောက်ရှိလို့ ကျွန်တော်တို့ လက်ရှိအချိန်ထိ မိသားစုလိုက် မသတ်သေးပါဘူး။ ရဲဆိုပြီးတော့လည်း ရဲအဖေ၊ အမေနေတာကို ဒလန်မဟုတ်ဘဲနဲ့ မသတ်ပါဘူး။ ဒါကျွန်တော်တို့ UG တွေရဲ့ စည်းကမ်းပါ။” လို့ ပြည်သူ့ကာကွယ်ရေးတပ်မဟာ Llttle Hero ရဲ့ ပြောရေးဆိုခွင့်ရှိသူ ကိုပိုင် က ပြောပါတယ်။