C8News

မန္တလေး၊ ဇူလိုင် (၁၂) မန္တလေးတိုင်းဒေသကြီး၊ မတ္တရာမြို့နယ်က မြောက်တံငါ တပ်စခန်းကို သိမ်းပိုက်နိုင်ခဲ့ပြီး လက်နက်ခဲယမ်းတချို့ သိမ်းဆည်းရမိခဲ့တယ်လို့ ပြည်သူ့ကာကွယ်ရေးတပ်မတော် (မန္တလေး) စစ်ဦးစီးအဖွဲ့က ဒီနေ့ မနက်ပိုင်းမှာ ပြောပါတယ်။

ရခိုင်၊ ဇူလိုင် (၁၂) ရခိုင်ပြည်နယ်၊ မောင်တောမြို့က မကျည်းချောင်း (မကျီးချောင်း) နယ်ခြားစောင့်တပ်စခန်းကို မနေ့ မနက်က သိမ်းပိုက်နိုင်ခဲ့ပြီး စခန်းအတွင်း စစ်ကောင်စီလက်အောက်ခံ အလောင်းအများအပြားနဲ့ လက်နက်ခဲယမ်း အများအပြားကို သိမ်းပိုက်နိုင်ခဲ့တယ်လို့ အာရက္ခတပ်တော်က ပြောပါတယ်။

ရှမ်း၊ ဇူလိုင် (၁၁) ရှမ်းပြည်နယ်၊ နောင်ချိုမြို့နယ်ကို အပြည့်အဝ ထိန်းချုပ်နိုင်ပြီဖြစ်လို့ စစ်ကောင်စီလုံးဝကင်းစင်တဲ့ မြို့နယ်တစ်ခု ဖြစ်လာပြီလို့ ပြည်သူ့ကာကွယ်ရေးတပ်မတော် (မန္တလေး) စစ်ဦးစီးအဖွဲ့ က ဒီနေ့မှာ ပြောပါတယ်။

ရန်ကုန်၊ ဇူလိုင် (၁၁) ပြည်သူ့ကာကွယ်ရေးတပ်မတော် (မန္တလေး) က တပ်ဖွဲ့ဝင်တချို့ကို မနေ့က စစ်မြေပြင်မှာ တွေ့ရတဲ့ မြင်ကွင်းတွေ ဖြစ်ပါတယ်။

မန္တလေး၊ ဇူလိုင် (၈) စစ်ကောင်စီတပ်နဲ့ တအာင်းတပ်မတော် TNLA တွေ မနေ့ကအထိ ဖြစ်ခဲ့တဲ့ တိုက်ပွဲ (၁၃) ရက်ကြာ တိုက်ပွဲအတွင်း စစ်ကောင်စီဘက်က လေကြောင်းနဲ့ လက်နက်ကြီး ပစ်ခတ်မှုကြောင့် စုစုပေါင်း အရပ်သား (၄၉) ယောက် သေဆုံးခဲ့ပြီး (၆၇) ယောက် ထိခိုက်ဒဏ်ရာ ရရှိခဲ့တယ်လို့ သိရပါတယ်။

ရှမ်း၊ ဇူလိုင် (၇) ရှမ်းပြည်နယ်၊ ကျောက်မဲခရိုင်၊ ကျောက်မဲမြို့နယ်နဲ့ မိုးမိတ်မြို့နယ်တွေမှာ တအာင်းတပ်မတော် TNLA ရဲဘော်တွေ စစ်ကောင်စီကို ရှေ့တန်းကနေ တိုက်ခိုက်နေတဲ့ ၁၀၂၇ စစ်ဆင်ရေး အပိုင်း(၂) (၁၂) ရက်မြောက် မနေ့က မြင်ကွင်းတွေ ဖြစ်ပါတယ်။

ရန်ကုန်၊ ဇူလိုင် (၇) ၁၉၆၂ ခုနှစ်က စစ်တပ်ဟာ တက္ကသိုလ်ကျောင်းသားတွေကို ပစ်သတ်ခဲ့တဲ့ 7 July အရေးအခင်းကို မမေ့ဖို့ “၇.၇.၆၂ သွေးကြွေးပြန်ယူမယ်” စာတန်းပါ အင်္ကျီကို ချိတ်ဆွဲပြီး ဒီနေ့ ရန်ကုန်မြို့ တစ်နေရာမှာ တော်လှန်ရေးအင်အားစုတွေက ပူးပေါင်းပြီး ဆန္ဒထုတ်ဖော်ခဲ့ကြပါတယ်။

ရန်ကုန်၊ ဇူလိုင် (၇) စစ်အာဏာရှင် ခေါင်းဆောင် နေဝင်းက ဦးဆောင်ပြီး ၁၉၆၂ ခုနှစ်က တက္ကသိုလ်ကျောင်းသားတွေကို ပစ်သတ်ခဲ့တဲ့ 7 July အရေးအခင်းကို မမေ့ဖို့ 7. 7. 62. Don’t Forget လှုပ်ရှားမှုကို ဒီနေ့ ရန်ကုန်မြို့က လူငယ်တွေက ပြုလုပ်ခဲ့ကြပါတယ်။

“ကျွန်တော်က အိုင်တီပညာရှင်တစ်ယောက်ဖြစ်ချင်ခဲ့တာ။ ဒါပေမယ့် လူမျိုးခြားဖြစ်နေလို့ဆိုပြီး တက်ချင်တဲ့ကျောင်း ရွေးချယ်ခွင့်မရခဲ့ဘူး။ မွတ်စလင်တွေဆိုရင် သမိုင်းနဲ့ မြန်မာဘာသာပဲ ရွေးချယ်လို့ ရမယ်လို့ သူတို့က သတ်မှတ်ထားတာ” လို့ အသက် ၁၉ နှစ်အရွယ် ရိုဟင်ဂျာ မွတ်စလင်ကျောင်းသား တစ်ယောက်ဖြစ်တဲ့ ကိုဇေယျာလင်း ကပြောပါတယ်။ သူကတော့ ရခိုင်ပြည်နယ်က လက်တဆုပ်စာသာရှိတဲ့ တက္ကသိုလ်ဝင်တန်းအောင်မြင်တဲ့ ရိုဟင်ဂျာကျောင်းသားတွေထဲက တစ်ဦးပါ။ ရည်မှန်းချက်ကြီးကြီးနဲ့ ငယ်ငယ်ကတည်းက စာကြိုးစားခဲ့ပေမယ့် ၁၀ တန်း အောင်ပြီး နောက်မှာတော့ သူတက်ရောက်ချင်တဲ့ တက္ကသိုလ်တက်ခွင့် မရခဲ့ပါဘူး။

ချင်း၊ ဇူလိုင် (၆) ချင်းပြည်နယ်၊ မတူပီမြို့သိမ်းတိုက်ပွဲမှာ စစ်ကောင်စီရဲ့ မတူပီအခြေစိုက်ဗျူဟာကုန်းနဲ့ ခမရ(၃၀၄)၊ ခလရ(၁၄၀) တွေကို သိမ်းပိုင်နိုင်ခဲ့သလို ဟောင်ဝပ်ဇာ အမြောက်အပါအဝင် လက်နက်အများအပြား သိမ်းဆည်းရမိခဲ့တယ်လို့ သိရပါတယ်။