C8News

ရန်ကုန်၊ ဇူလိုင် (၁၆) တနင်္သာရီတိုင်းဒေသကြီး၊ တနင်္သာရီမြို့နယ် ထုံခါ-မောတောင် နယ်စပ်ကုန်သွယ်ရေးလမ်းကို ဒီနေ့ကစတင်ကာ ခရီးသွားလာခွင့်(ယာယီ) ပိတ်သိမ်းလိုက်ပြီ ဖြစ်တယ်လို့ တနင်္သာရီမြို့နယ် ပြည်သူ့ကာကွယ်ရေးအဖွဲ့ဆီက သိရပါတယ်။

ရန်ကုန်၊ ဇူလိုင် (၁၆) စစ်ကိုင်းတိုင်းဒေသကြီး၊ ရေဦးမြို့နယ်၊ တိုင်းရင်းဆေးရုံဝင်းအတွင်းကို (၇၀၈) တပ်စွဲထားတဲ့ စစ်ကောင်စီအဖွဲ့ကို မနေ့ နေ့လယ်က တိုက်ခိုက်ခဲ့တယ်လို့ အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာနဆီက သိရပါတယ်။

ရန်ကုန်၊ ဇူလိုင် (၁၄) အာဏာသိမ်းစစ်တပ်က ကျူးလွန်နေတဲ့ လိင်ပိုင်းဆိုင်ရာ အကြမ်းဖက်မှုတွေကို ချက်ချင်းရပ်တန့်ပေးဖို့ ကုလသမဂ္ဂ လုံခြုံရေးကောင်စီကို ကုလသမဂ္ဂဆိုင်ရာ မြန်မာအမြဲတမ်း ကိုယ်စားလှယ် သံအမတ်ကြီး ဦးကျော်မိုးထွန်းက တောင်းဆိုလိုက်ပါတယ်။

ရန်ကုန်၊ ဇူလိုင် (၁၅) တပ်ရင်းတပ်ဖွဲ့တွေနဲ့ တိုင်းရင်းသားလက်နက်ကိုင် တော်လှန်ရေးအဖွဲ့တွေအတွက် The Suppressor of the Evils လို့ နာမည်ဝှက်ပေးထားတဲ့ အမည်မဖော်လိုသူ လုပ်ငန်းရှင်တစ်ယောက်က ငွေကျပ်သိန်းနှစ်ထောင်ကျော် လှူဒါန်း ထောက်ပံ့ပေးခဲ့တယ် အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာနက မနေ့က ပြောပါတယ်။

ရန်ကုန်၊ဇူလိုင်(၁၅) အင်ဒိုနီးရှားနိုင်ငံ၊ ဂျကာတာမြို့မှာ ပြုလုပ်ခဲ့တဲ့ (၅၆)ကြိမ်မြောက် အာဆီယံ နိုင်ငံခြားရေးဝန်ကြီးတွေ အစည်းအဝေးမှာ မြန်မာ့အရေးနဲ့ပတ်သက်ပြီး ထုတ်ပြန်ခဲ့တာကို အာဏာသိမ်းစစ်ကောင်စီက ကန့်ကွက်ကြောင်း ပြန်လည်ထုတ်ပြန်ထားပါတယ်။

ရန်ကုန်၊ ဇူလိုင် (၁၄) ရှမ်းပြည်နယ်၊ ကလောခရိုင်၊ ဖယ်ခုံမြို့နယ်က ရိက္ခာပို့ဖို့ ထွက်လာတဲ့ စစ်ကားကို PDF ပူးပေါင်းအဖွဲ့တွေ တိုက်ခိုက်ခဲ့လို့ စစ်ကောင်စီဘက်က အရာခံဗိုလ်တစ်ယောက်၊ တပ်ကြပ်တစ်ယောက်၊ ဒုတပ်ကြပ်တစ်ယောက်နဲ့ ယာဉ်မောင်းတစ်ယောက် နေရာမှာပဲသေဆုံးခဲ့တယ်လို့ တိုက်ပွဲမှာပါဝင်ခဲ့တဲ့ အမှတ်(၁၀၀၅)တပ်ရင်း (ရှမ်းတောင်)ဆီက သိရပါတယ်။

ရန်ကုန်၊ ဇူလိုင် (၁၄) လက်နက်ကိုင်တော်လှန်ခုခံဖို့ ရွေးချယ်ခဲ့တဲ့ နွေဦးတော်လှန်ရေးဟာ အချိန်သိပ်ကြာနေလို့ မဖြစ်သလို လုပ်စရာရှိတာတွေကို အချိန်ကန့်သတ်ချက်နဲ့ မြန်မြန်ပြီးအောင် လုပ်ဆောင်ဖို့ အရေးကြီးတယ်လို့ အမျိုးသားညီညွတ်ရေးအစိုးရ ပြည်ထောင်စုဝန်ကြီးချုပ် မန်းဝင်းခိုင်သန်းက ပြောပါတယ်။

ရန်ကုန်၊ ဇူလိုင် (၁၄) ကရင်ပြည်နယ်၊ ကော့ကရိတ်မြို့နယ်မှာ စစ်ကောင်စီအဖွဲ့နဲ့ PDF ပူးပေါင်းတပ်ဖွဲ့တွေ ဇူလိုင်လ (၁၂) ရက်နေ့ တစ်ရက်ထဲ တိုက်ပွဲ(၃) ကြိမ်ဖြစ်ခဲ့တယ်လို့ တိုက်ပွဲမှာပါဝင်ခဲ့တဲ့ Justice Soldier PDF က ပြောပါတယ်။

ရန်ကုန်၊ ဇူလိုင် (၁၄) ချင်းပြည်နယ်၊ မင်းတပ်မြို့ဝင်ဂိတ်မှာ ကင်းစောင့်နေတဲ့ စစ်ကောင်စီလက်အောက်ခံ ခလရ (၂၇၄) တပ်ဖွဲ့ဝင်တွေကို ဒီနေ့မနက်မှာ ဒေသခံကာကွယ်ရေးတပ်ဖွဲ့တွေက တိုက်ခိုက်ခဲ့တယ်လို့ သိရပါတယ်။