C8News

ရန်ကုန်၊ဇန်နဝါရီ(၂၆) တိုက်ပွဲကာလတွေ ကြာရှည်နေပြီး အကြပ်အတည်းတွေကို အချိန်မီ မဖြေရှင်းနိုင်ပါက မြန်မာနိုင်ငံဟာ အလုံးစုံပျက်စီးရေး ကို ရောက်ရှိသွားနိုင်တယ်လို့ ကချင်လွတ်လပ်ရေးအဖွဲ့ချုပ် (KIO) က ဒီနေ့မှာ ပြောကြားလိုက်ပါတယ်။ မြန်မာနိုင်ငံ ရဲ့ လက်ရှိအခြေအနေ နဲ့ ပတ်သက်ပြီး အချက် (၇) ချက် ပါဝင်တဲ့ ထုတ်ပြန်ချက်ကို KIO က ဒီနေ့မှာ ထုတ်ပြန်ခဲ့ပါတယ်။ စစ်တပ်က နိုင်ငံတော် ရဲ့အချုပ်အခြာ အာဏာ အရပ်ရပ်ကို သိမ်းယူခဲ့တာ တစ်နှစ်ပြည့်မြောက်တော့မှာဖြစ်ပြီး မြန်မာနိုင်ငံ ရဲ့ ကြုံတွေ့နေရတဲ့ ပြဿနာအကြပ် အတည်းတွေကို ဖြေရှင်းနိုင်ဖို့အတွက် စစ်ကောင်စီအနေ နဲ့ တရားမျှတမှုကို အခြေခံပြီး ပြည်သူလူထုရဲ့ ဆန္ဒသဘောထားတွေကို တန်ဖိုးထားဖို့ လိုအပ်တယ်လို့ ထုတ်ပြန်ချက် မှာ ရေးသားထားပါတယ်။ နယ်စပ်ဒေသတွေမှာ တိုက်ပွဲတွေ…

ရန်ကုန်၊ ဇန်နဝါရီ (၂၆) စစ်ကောင်စီ က တစ်နှစ်လုံးလုံး ပြောစရာစကားမရှိလောက်အောင် ရက်စက် ကြမ်းကြုတ်မှုတွေ ကျူးလွန်ခဲ့တဲ့ အကြမ်းဖက်သမားတွေကို ဇွဲကြီးကြီးနဲ့ တွန်းလှန်ရင်း အာဏာရှင်စနစ်အမြစ်ပြတ်နိုင်ဖို့ ကြိုးစားရုန်းကန် နေကြတဲ့သူ တစ်ဦးချင်းစီကို လေးစားဂုဏ်ပြုတယ်လို့ အမျိုးသားညီညွတ်ရေးအစိုးရ NUG ယာယီသမ္မတ ဒူဝါလရှီးလ ပြောပါတယ်။ “ကျွန်တော်တို့ တော်လှန်ရေးဟာ zero ကနေ စကြရတာဖြစ်ပြီး အခုအချိန်အထိလည်း နိုင်ငံတကာရဲ့ ကူညီထောက်ပံ့မှုတွေ သိသာထင်ရှားစွာ မရသေးပေမယ့် ပြည်တွင်းပြည်ပက ကျွန်တော်တို့ပြည်သူတွေရဲ့ စုပေါင်းအားနဲ့ သွားနေကြတာဖြစ်ကြောင်း၊ ဒီလိုသွားရင်းနဲ့ အောင်မြင်မှုဟာ မြင်နေရပြီမို့ ဆက်လက်ကြိုးပမ်းကြဖို့” လိုတယ်လို့ မနေ့က ပြုလုပ်ခဲ့တဲ့ အမျိုးသားညီညွတ်ရေးအစိုးရ အဖွဲ့အစည်းအဝေး မှာ သူက အခုလိုပြောဆိုလိုက်ပါတယ်။ အကြမ်းဖက်စစ်အုပ်စု ကို ခုခံတွန်းလှန်ရင်း ကျဆုံးသွားရတဲ့ မြန်မာပြည်အရပ်ရပ်က သူရဲကောင်းတွေအတွက်လည်း…

ရန်ကုန်၊ ဇန်နဝါရီ (၂၄) အကြမ်းဖက် စစ်ကောင်စီတပ်ဖွဲ့ဝင်တွေ ထောင်ထားတဲ့ မိုင်းနင်းမိလို့ ကိုယ်ဝန်ဆောင်မိခင် နဲ့ (၆) နှစ်အရွယ် ကလေးငယ်တစ်ဦး သေဆုံးသွားခဲ့တယ်လို့ ပုလောမြို့နယ် ဒေသခံတွေက ပြောပါတယ်။ တနင်္သာရီတိုင်းဒေသကြီး၊ ပုလောမြို့နယ်၊ ပဝတ်ကျေးရွာ မှာ စစ်ကောင်စီတပ်တွေ ထောင်ထားတဲ့ မိုင်းကို မနေ့ ညနေပိုင်း က အိမ်ရှေ့မှာ နင်းမိပြီး ကိုယ်ဝန် (၆) လ ရှိတဲ့ မိခင်တစ်ဦး သေဆုံးခဲ့သလို သူမရဲ့ သားဖြစ်သူ (၆) နှစ် အရွယ် ကလေးငယ်တစ်ဦးလည်း ပြင်းထန်စွာ ဒဏ်ရာရှိခဲ့ပြီး မနေ့ ညပိုင်းမှာပဲ ကွယ်လွန်သွားခဲ့ပါတယ်။ “အစွမ်းကုန်ယုတ်မာရက်စက်နေသော စစ်ခွေးများကြောင့် အပြစ်မဲ့ပြည်သူများ ထပ်မံ၍ အသက်မဆုံးရှုံးသင့်ဘဲ မဆုံးရှုံးရလေအောင် သတိကြီးကြီးနဲ့ သွားလာနေထိင်ကြရန်” ပြည်သူ့ကာကွယ်ရေးတပ်မတော်(ပုလော) က…

ရန်ကုန်၊ ဇန်နဝါရီ (၂၄) ရန်ကုန်မြို့၊ ဘုရင့်နောင်လမ်းမပေါ်မှာရှိတဲ့ သီရိမင်္ဂလာဈေး စည်ပင်ရုံးရှေ့မှာ မနေ့ညပိုင်းက ဗုံးပေါက်ကွဲမှု ဖြစ်ပွားခဲ့သလို တချိန်ထဲမှာပဲ သေနတ်ပစ်ခတ်မှုလည်း ဖြစ်ပွားခဲ့တယ်လို့ ဈေးသူ၊ ဈေးသားတွေက ပြောပါတယ်။ ပေါက်ကွဲမှုဖြစ်ပွားခဲ့လို့ စည်ပင်ဝန်ထမ်းနှစ်ဦး ထိခိုက်ဒဏ်ရာရရှိခဲ့ပြီး သေနတ်သမားတစ်ဦးရဲ့ ပစ်ခတ်ခဲ့လို့လည်း ကုန်တင်ကုန်ချပြုလုပ်နေတဲ့ ပြည်သူတစ်ဦး သေနတ်ထိမှန်ခဲ့တယ်လို့ သိရပါတယ်။ စစ်တပ်က အာဏာသိမ်းပြီးနောက် စစ်ကောင်စီ ရဲ့ လက်အောက်ခံတွေ နဲ့ ဒေါက်တိုင်တွေကို ပုံစံအမျိုးမျိုး နဲ့ တော်လှန်ရေးအင်အားစု တွေ က သုတ်သင်ရှင်းလင်းနေတာ ဖြစ်ပါတယ်။

ရန်ကုန်၊ ဇန်နဝါရီ (၂၄) (၁၀) နာရီကျော်ကြား ဖြစ်ပွားခဲ့တဲ့ တိုက်ပွဲအတွင်း စစ်ကောင်စီဘက်က ပြည်သူတွေရဲ့ နေအိမ်တချို့ကို မီးရှို့ဖျက်ဆီးခံခဲ့ရတယ်လို့ ဒေသခံပြည်သူတွေက ပြောပါတယ်။ ကယားပြည်နယ်၊ ဒီးမော့ဆိုမြို့နယ်၊ ဟိုဖိတ်ကျေးရွာ နဲ့ စိုက်ကွင် (၂) ကျေးရွာ ကြားမှာ မနေ့ မနက် (၈) နာရီက ကနေ ညနေ (၆) နာရီကျော်ကြာတဲ့အထိ ဖြစ်ပွားခဲ့တဲ့ တိုက်ပွဲအတွင်း စစ်ကောင်စီဘက် ထိခိုက်ဒဏ်ရာရရှိသူ နဲ့ သေဆုံးသူများပြားခဲ့ပြီး စစ်ကောင်စီဘက်ဖွဲ့ဝင် တွေက ပြည်သူနေအိမ် (၉) လုံးကို မီးရှို့ဖျက်ဆီးခဲ့တယ်လို့ ကရင်နီအမျိုးသားကာကွယ်ရေးတပ် KNDF က ဒီနေ့ ထုတ်ပြန်ချက်မှာ ဖော်ပြထားပါတယ်။ ပြီးခဲ့တဲ့ ဇန်နဝါရီလ (၂၂) ရက်နေ့လည်ပိုင်းကလည်း ဟိုဖိတ်ကျေးရွာ နဲ့ သပြေတောကျေးရွာ အတွင်းမှာလည်း…

ရန်ကုန်၊ ဇန်နဝါရီ (၂၃) တရားစီရင်ရေး၊ ဥပဒေအကြံပြု တွေအနေနဲ့ မှုခင်းကိစ္စတွေ ကို ဆောင်ရွက်ရာမှာ မှန်ကန်မြန်ဆန်မှုရှိစေဖို့ နဲ့ လုံခြုံစိတ်ချစွာဆောင်ရွက်နိုင်ဖို့ လိုအပ်တယ်လို့ အာဏာသိမ်း စစ်ခေါင်းဆောင် ဗိုလ်ချုပ်မှူးကြီး မင်းအောင်လှိုင် က ပြောပါတယ်။ တရားစီရင်ရေးအတွက် တရားစီရင်ရေးဟာ မှန်ကန်မြန်ဆန်ပြီး ဥပဒေ နဲ့ အညီ လွတ်လပ်စွာ တရားစီရင်ရေး နဲ့ အဂတိလိုက်စားမှု ကင်းရှင်းရေးကလည်း အဓိကအရေးပါတယ်လို့ မနေ့က မန္တလေးတိုင်းဒေသကြီး၊ ဥပဒေချုပ်ရုံး နဲ့ တရားလွှတ်တော်အဆောက်အဦဖွင့်ပွဲမှာ သူက အခုလို ပြောဆိုလိုက်တာ ဖြစ်ပါတယ်။ “တရားစီရင်ရာမှာ အမြန်ဆုံးတရားစီရင်ရေးဟာ အမှန်ဆုံးတရားစီရင်ရေးကို တိုက်ရိုက်အကျိုးပြုနိုင်တယ်။ တရားစီရင်ရေး နဲ့ ဥပဒေ ရေးရာကဏ္ဍ တွေက မှန်မှန်ကန်ကန်၊ မြန်မြန်ဆန်ဆန် နဲ့ မျှမျှတတ ဆောင်ရွက်ဖို့ လိုအပ်တယ်”…

ရန်ကုန်၊ ဇန်နဝါရီလ (၂၃) စစ်ကိုင်းတိုင်းဒေသကြီး၊ ပုလဲမြို့နယ်၊ အင်မထီးရွာ က ပျုစောထီးသင်တန်းတက်ဖို့ လိုက်လံစည်းရုံးနေသူ တစ်ဦး အသတ်ခံရတယ်လို့ ဒေသခံတွေက ပြောပါတယ်။ ပျူစောထီးသင်တန်းတက်ဖို့ လိုက်လံစည်းရုံးနေသူလို့ နာမည်ကြီးနေတဲ့ အင်မထီးရွာသား ဆန်းနိုင်ဝင်း ဟာ မနေ့ညပိုင်းက အသတ်ခံလိုက်ရတာဖြစ်ပါတယ်။ အကြမ်းဖက်စစ်တပ် က ပုလဲမြို့နယ်၊ အင်မထီးရွာ နဲ့ ဇီးဖြူကုန်းရွာ မှာ ပျူစောထီးသင်တန်းပေးနေတာ ဖြစ်တယ်လို့ ဒေသခံတွေက ပြောပါတယ်။ အကြမ်းဖက်စစ်ကောင်စီ က ပေးတဲ့ ပျူစောထီးသင်တန်းကို တက်ရောက်ပါက ပြင်းထန်စွာအရေးယူသွားမယ်လို့ ပုလဲမြို့နယ် ပြည်သူ့ကာကွယ်ရေးတပ် က ပြီးခဲ့တဲ့ ဇန်နဝါရီ (၂၁) ရက်နေ့က သတိပေးထားပါသေးတယ်။ ပုလဲမြို့နယ် အတွင်းမှာ အကြမ်းဖက်စစ်ကောင်စီတပ် က အင်းအားအများအပြားနဲ့ တစ်ရွာဝင်တစ်ထွက် လိုက်လံ ဖမ်းဆီးသတ်ဖြတ်နေလို့ ဒေသခံပြည်သူထောင်ပေါင်းများစွာ…

ရန်ကုန်၊ ဇန်နဝါရီ (၂၃) စစ်ကိုင်းတိုင်းဒေသကြီး၊ ဖောင်းပြင်မြို့နယ် အတွင်းက စခန်း (၂) ကို PDF တပ်ဖွဲ့ဝင် (၁၀၀) ကျော်က မနေ့ မနက်အစောပိုင်း (၃) နာရီဝန်းကျင်က လာရောက်တိုက်ခိုက်ခဲ့တဲ့အတွက် စစ်ကောင်စီတပ်ဖွဲ့ဝင်တွေ စခန်းစွန့်ခွာထွက်ပြေးခဲ့ရတယ်လို့ စစ်ခေါင်းဆောင် ရဲ့ သတင်းပြန်ကြားရေးအဖွဲ့ဆီက သိရပါတယ်။ တိုက်ပွဲအတွင်း စစ်ကောင်စီတပ်ဖွဲ့ဝင်တစ်ဦး ထိခိုက်ဒဏ်ရာရရှိခဲ့ပြီး စစ်ကောင်စီတပ်ဖွဲ့ဝင် တချို့ပျောက်ဆုံးနေသလို၊ စစ်လက်နက်တွေလည်း ပျောက်ဆုံးနေတယ်လို့ ထုတ်ပြန်ချက်မှာ ရေးသားထားပါတယ်။ စစ်ကောင်စီတပ်ဖွဲ့ဝင်တွေက ပြန်လည်တိုက်ခိုက်ခဲ့ပေမယ့် PDF တပ်ဖွဲ့ဝင်တွေက ထပ်မံအင်အားတိုးမြှင့်တိုက်ခိုက်လာခဲ့တဲ့အတွက် စစ်ကောင်စီတပ်ဖွဲ့ဝင်တွေဟာ စခန်း (၂) ကို စွန့်ခွာထွက်ပြေးခဲ့ရတာ ဖြစ်တယ်လို့ သိရပါတယ်။ တိုက်ပွဲအတွင်း စစ်ကောင်စီအဆောက်အအုံ တစ်ခု နဲ့ လူနေအိမ်တစ်လုံး မီးလောင်ပျက်စီးခဲ့တယ်လို့ သိရပါတယ်။ ပြီးခဲ့တဲ့ ဇန်နဝါရီ (၂၁)…

ရန်ကုန်၊ဇန်နဝါရီ(၂၂) စစ်ကောင်စီအဖွဲ့တွေဟာ လေကြောင်း နဲ့ လက်နက်ကြီး ပစ်ကူရယူပြီး ကယားပြည်နယ် အတွင်းတိုက်ခိုက်ခဲ့ပေမယ့် အဲ့ဒီတိုက်ခိုက်မှုတွေဟာ အပြစ်မဲ့အရပ်သားတွေကို တိုက်ခိုက်တာမဟုတ်ဘူး လို့ စစ်ကောင်စီလက်အောက်ခံ နိုင်ငံခြားရေးဝန်ကြီးဌာန က ငြင်းဆိုလိုက်ပါတယ်။ အခု ဇန်နဝါရီလအတွင်းမှာ ကယားပြည်နယ်၊ လွိုင်ကော်မြို့ ကို အကြမ်းဖက်စစ်တပ် က လေယာဉ်တွေ အသုံးပြုတိုက်ခိုက်ခဲ့တာ နဲ့ ပတ်သက်ပြီး နိုင်ငံခြားရေးဝန်ကြီးဌာန က အခုလိုငြင်းဆိုလိုက်တာ ဖြစ်ပါတယ်။ ကရင်နီအမျိုးသားတိုးတက်ရေးပါတီ KNPP နဲ့ PDF အဖွဲ့တွေဟာ လူနေရပ်ကွက်တွေ အတွင်း ဝင်ရောက်တိုက်ခိုက်ခဲ့တာ၊ ဘာသာရေးအဆောက်အအုံတွေ၊ အစိုးရပိုင် အဆောက်အဦးတွေကို တိုက်ခိုက်ခဲ့ပြီး ပြည်သူတွေကိုလည်း လူသားတံတိုင်းလို့ အသုံးပြုခဲ့တယ်လို့ ထုတ်ပြန်ချက်မှာ ရေးသားထားပါတယ်။ စစ်ကောင်စီတပ်ဖွဲ့ဝင်တွေက ပြန်လည်တိုက်ခိုက်ခဲ့ရာမှာတော့ ပြည်သူတွေထိခိုက်မှုမရှိစေဖို့ အတတ်နိုင်ဆုံး ပြန်လည်တိုက်ခိုက်ခဲ့တာဖြစ်ပြီး သူတို့ရဲ့တိုက်ခိုက်မှုကြောင့် လွိုင်ကော်အကျည်းထောင်…

ရန်ကုန်၊ ဇန်နဝါရီ (၂၂) စစ်ကောင်စီက သေနတ်တွေနဲ့ အချက်ပေါင်းများစွာ ရမ်းသမ်းပစ်ခတ်ခဲ့လို့ ပြည်သူတစ်ဦး ဦးခေါင်းသေနတ်ထိမှန် သေဆုံးသွားခဲ့တယ်လို့ ဒေသခံ ပြည်သူ့ကာကွယ်ရေးတပ်ဖွဲ့တွေ ဒီနေ့မှာ ပြောဆိုလိုက်ပါတယ်။ အခုလ ဇန်နဝါရီ (၂၀) ရက်နေ့ ညနေပိုင်းက စစ်ကိုင်းတိုင်းဒေသကြီး၊ မုံရွာ- ချောင်းဦးလမ်း တစ်နေရာမှာ မိုင်းဆွဲတိုက်ခိုက်ခံခဲ့ရတဲ့အတွက် စစ်ကောင်စီတပ်ဖွဲ့တွေက လက်နက်ကြီး (၄) ချက်၊ သေနတ်အချက်အပေါင်းများစွာ ရမ်းသမ်းပစ်ခတ်ခဲ့တဲ့အတွက် ပြည်သူတစ်ဦး ဦးခေါင်းသေနတ်ထိမှန် သေဆုံးခဲ့ရတာ ဖြစ်တယ်လို့ ချောင်းဦးမြို့နယ်ပြည်သူ့ကာကွယ်ရေးတပ်ဖွဲ့ CHUPDF က ပြောပါတယ်။ “ပြည်သူတစ်ဦး ဦးခေါင်းသေနတ်ထိမှန် သေဆုံးကြောင်းကြားရတာ ကျွန်ုပ်တို့ညီနောင်အဖွဲ့တွေ အနေနဲ့ စိတ်မကောင်းခြင်းများစွာ နဲ့ ဝမ်းနည်းကြေကြွဲရတယ်” ဒီနေ့ ထုတ်ပြန်ချက်မှာ ရေးသားထားပါတယ်။ ပြည်သူတွေအနေနဲ့ စစ်ကောင်စီ အကြမ်းဖက် လက်နက်ကိုင်တွေရဲ့ အနီးဝန်းကျင်ကို သွားလာ…