C8News

ရန်ကုန်၊အောက်တိုဘာ(၂၉) ရှမ်းပြည်နယ်တောင်ပိုင်း၊ ရွာငံမြို့နယ်အတွင်းက မအူပင်သစ်တောစခန်းနဲ့ ဂဇတ်ကြီးသစ်တောစခန်း ကို တစ်ချိန်ထဲ ဝင်ရောက်စီးနင်း တိုက်ခိုက်ခဲ့တဲ့ ရုပ်သံမှတ်တမ်း ဖြစ်ပါတယ်။

ရန်ကုန်၊အောက်တိုဘာ(၂၉) အာဏာသိမ်းစစ်တပ်ရဲ့ စခန်းတွေနဲ့ ဂိတ်တွေကို တိုက်ခိုက်သိမ်းပိုက်နေတဲ့ ညီနောင်မဟာမိတ် (၃)ဖွဲ့ ၁၀၂၇စစ်ဆင်ရေး (1027 Operation) စစ်ဆင်ရေးမှာ ၂၄ နာရီအတွင်း စစ်ကောင်စီစခန်း ၄၀ ကျော် သိမ်းပိုက်နိုင်ခဲ့တဲ့အပြင် သံချပ်ကာ ကားတွေရှိတဲ့ တပ်စခန်းတွေ ပါဝင်တယ်လို့ တိုက်ပွဲဒုတိယနေ့ဖြစ်တဲ့ အောက်တိုဘာ(၂၈)ရက် ညပိုင်းမှာ ညီနောင်မဟာမိတ် (၃)ဖွဲ့က ထုတ်ပြန်ခဲ့ပါတယ်။

ရန်ကုန်၊အောက်တိုဘာ(၂၈) စစ်ကိုင်းတိုင်းဒေသကြီး၊ အုန်းတောကျေးရွာမှာရှိတဲ့ အမှတ် ၆၀၀၅ တင့်ကားတပ်နဲ့ ညောင်ငုတ်တို ပျူစောထီးကျေးရွာကို မနေ့ (အောက်တိုဘာ၂ရ)ရက်က ဗုံးသီး(၆)လုံးကြဲချ တိုက်ခိုက်ခဲ့တယ်လို့ Phoenix-Sagaing ဆီကသိရပါတယ်။

ရန်ကုန်၊ စက်တင်ဘာ (၂၈) တနင်္သာရီတိုင်းဒေသကြီး၊ တနင်္သာရီမြို့နယ်၊ ညောင်ပင်ကွင်းရွာအနီးက စစ်ကောင်စီ စစ်ဆေးရေးဂိတ်ကို ဒီနေ့ မနက် (၅) နာရီကျော်က သွားရောက် တိုက်ခိုက်ခဲ့တယ်လို့ တနင်္သာရီတိုင်းဒေသကြီး ပြည်သူ့ကာကွယ်ရေးအဖွဲ့ ဆီကသိရပါတယ်။

ရန်ကုန်၊ စက်တင်ဘာ (၂၂) ပဲခူးတိုင်းဒေသကြီး၊ သာယာဝတီခရိုင်၊ ကြို့ပင်ကောက်မြို့နယ် မြို့တွင်းကျေးရွာအုပ်စုက အုပ်ချုပ်ရေးမှူး ကြည်စိုး ကို သေနတ်နဲ့ ပစ်ခတ်ခဲ့တယ်လို့ ပဲခူးတိုင်းစစ်ဒေသခွဲ ကပြောပါတယ်။

ရန်ကုန်၊စက်တင်ဘာ(၂၁) ထိုင်း-မြန်မာနယ်စပ်အနီးမှာရှိတဲ့ စစ်ကောင်စီရဲ့ ရေတလျောက်စခန်းကို KNLA တပ်ရင်း (၁၈) နဲ့ ပူးပေါင်းအဖွဲ့တွေက သိမ်းပိုက်ခဲ့တဲ့ မှတ်တမ်း ဖြစ်ပါတယ်။ အဲ့ဒီတိုက်ပွဲကို အခုလ(၁၄)ရက်နေ့က တိုက်ခိုက်ခဲ့တာဖြစ်ပြီး တိုက်ပွဲကြာမြင့်ချိန် မိနစ်(၃၀) အတွင်းမှာ စခန်းတစ်ခုလုံးကို သိမ်းယူနိုင်ခဲ့ပြီး စစ်ကောင်စီဘက်က တပ်သား(၉)ယောက် သေဆုံးခဲ့သလို စခန်းစွန့်ခွာထွက်ပြေးသူတွေလည်း ရှိတယ်လို့ သိရပါတယ်။ ရေတလျောက်စခန်းကို KNLA တပ်ရင်း (၁၈) ၊ Special Operation Group(SOG)တပ်ဖွဲ့ ၊ ဧရာဝတီအင်အားစု တပ်စု ၊ Dawna Phoenix Drone Team နဲ့ Tiger Dragon Revolution Force တော်လှန်ရေးပူးပေါင်းတပ်ဖွဲ့တွေက ပူးပေါင်းဆောင်ရွက်ခဲ့တာ ဖြစ်တယ်လို့ သိရပါတယ်။

ရန်ကုန်၊ စက်တင်ဘာ (၂၀) စစ်ကောင်စီလက်အောက်ခံ တပ်သားတွေဖြစ်တဲ့ စောသက်နိုင်ထွန်း၊ ကိုကိုနိုင် နဲ့ အိုက်လျှန်း တို့ဟာ စနိုက်ပါ အပါအဝင် လက်နက်ခဲယမ်းတွေနဲ့အတူ လာရောက်ခိုလှုံခဲ့တယ်လို့ ကရင်အမျိုးသားလွတ်မြောက်ရေးတပ်မတော် (K.N.L.A) ကပြောပါတယ်။

ရန်ကုန်၊ စက်တင်ဘာ (၁၉) မကွေးတိုင်းဒေသကြီး၊ ချောက်မြို့ပေါ်မှာရှိတဲ့ မြို့နယ်စည်ပင်သာယာရုံးကို လက်ပစ်ဗုံးနဲ့ ပစ်ခတ်တိုက်ခိုက်ခဲ့လို့ ရုံးဝန်ထမ်း အခွန်စာရေးမ တစ်ယောက်နဲ့ ရေခွန်လာဆောင်တဲ့ ပြည်သူတစ်ယောက် ဗုံးစထိမှန်ခဲ့တယ်လို့ သိရပါတယ်။

ရန်ကုန်၊ စက်တင်ဘာ (၁၈) အမှတ်(၅၆၁) ခြေမြန်တပ်ရင်းက တပ်သားအောင်ဇော်မင်း ဟာ လက်နက်နဲ့အတူ လာရောက်ခိုလှုံခဲ့တယ်လို့ တနင်္သာရီမြို့နယ်၊ ပြည်သူ့ကာကွယ်ရေးအဖွဲ့က ပြောပါတယ်။

ရန်ကုန်၊ စက်တင်ဘာ (၁၈) ခါချဉ်တောင်စခန်း ကို စစ်ကောင်စီအဖွဲ့က ပြန်လည် သိမ်းပိုက်နိုင်ဖို့ ကြိုးပမ်းနေလို့ တိုက်ပွဲ ၃ ကြိမ် ဖြစ်ခဲ့တယ်လို့ သာယာဝတီခရိုင် တပ်ရင်း ၃၈၀၂ တပ်ခွဲ ၅က က ပြောပါတယ်။