C8News

ရန်ကုန်၊နိုဝင်ဘာ(၆) ရှမ်းပြည်နယ်၊ နမ့်ခမ်းမြို့မှာရှိတဲ့ နမ့်ခမ်းရဲစခန်းကို မနေ့ မနက်က တိုက်ခိုက်သိမ်းပိုက်ရရှိခဲ့ပြီးဖြစ်တယ်လို့ တအာင်းတပ်မတော် PSLF/ TNLA သတင်းနှင့်ပြန်ကြားရေး ဆီကသိရပါတယ်။ တပ်မဟာ(၁)စစ်ဒေသ၊ နမ့်ခမ်းမြို့ ရဲစခန်းကို မနေ့(နိုဝင်ဘာ၅)ရက် မနက်(၆)နာရီကျော်ချိန်က သိမ်းပိုက်နိုင်ခဲ့တာ ဖြစ်ပါတယ်။

ရန်ကုန်၊အောက်တိုဘာ(၃၀) အောက်တိုဘာ(၂၇)ရက်နေ့မှာ ညီနောင်မဟာမိတ် (၃)ဖွဲ့က ၁၀၂၇စစ်ဆင်ရေး (1027 Operation) အမည်နဲ့ စတင်ခဲ့တဲ့ စစ်ဆင်ရေးကို ကြိုဆိုထောက်ခံကြတဲ့ မြန်မာပြည်သူလူထု တစ်ရပ်လုံး အပါအဝင် အဖွဲ့အစည်းအသီးသီး လူပုဂ္ဂိုလ်တစ်ယောက်ချင်းစီကို ကျေးဇူးတင်ကြောင်း မနေ့က ရက်စွဲနဲ့ ထုတ်ပြန်အသိပေးထားပါတယ်။

ရန်ကုန်၊အောက်တိုဘာ(၂၉) ရှမ်းပြည်နယ်မြောက်ပိုင်း၊ နမ္မတူမြို့နယ်မှာ ရှိတဲ့ခမရ(၃၂၄)အထိုင်စခန်းကို ကချင်လွတ်လပ်ရေးတပ်မတော်(KIA) ကတိုက်ခိုက်နေပြီး စခန်းသိမ်းနိုင်မယ့် အလားအလာရှိတယ်လို့ စစ်ရေးသတင်းအရင်းမြစ်တွေဆီက သိရပါတယ်။

ရန်ကုန်၊အောက်တိုဘာ(၂၉) ပြည်သူလူထု ထိတ်လန့်စေဖို့ ကြံရွယ်ပြီး မမှန်သတင်းတွေ ဖြန့်ဝေတာ အစိုးရဝန်ထမ်းတွေ ပြစ်မှုကျူးလွန်လာစေဖို့ ရည်ရွယ်လှုံဆော်တာတွေ လုပ်ခဲ့တယ်ဆိုပြီး မနေ့ကညပိုင်းမှာ ပြန်ကြားရေးဝန်ကြီးဟောင်းဖြစ်သူ ဦးရဲထွဋ် ကို စစ်ကောင်စီက ဖမ်းဆီးလိုက်ပြီး ဖြစ်တယ်လို့ သိရပါတယ်။

ရန်ကုန်၊အောက်တိုဘာ(၂၉) မန္တလေး ပြည်သူ့ကာကွယ်ရေးတပ်မတော်(MDY PDF) နဲ့ တအာင်းတပ်မတော်(TNLA) တပ်တွေ ပူးပေါင်းပြီး ဒီနေ့မနက်အစောပိုင်းမှာ ရှမ်းပြည်နယ်မြောက်ပိုင်း နောင်ချိုမြို့နယ် ကျောက်ကြမ်းကျေးရွာမှာ တပ်စွဲထားတဲ့ စစ်ကောင်စီတပ်ကို သွားရောက် တိုက်ခိုက်ခဲ့လို့ စစ်သား(၆)ယောက် သေဆုံးပြီး သေနတ်(၇)လက် သိမ်းဆည်းရရှိခဲ့တယ်လို့ တအာင်းတပ်မတော် ဆီကသိရပါတယ်။

ရန်ကုန်၊အောက်တိုဘာ(၂၉) ရှမ်းပြည်နယ်မြောက်ပိုင်း၊ လားရှိုးမြို့ အရှေ့ဘက်မှာရှိတဲ့ စစ်ကောင်စီတပ်စခန်း ၂ ခုကို ဒီနေ့(အောက်တိုဘာ၂၉)ရက် မနက်(၄)နာရီကျော်အချိန်မှာ ကိုးကန့် MNDAA က သိမ်းပိုက်နိုင်ခဲ့ပြီး စစ်သား(၃)ယောက် အရှင်ဖမ်းဆီးရမိခဲ့တယ်လို့ သိရပါတယ်။

ရန်ကုန်၊အောက်တိုဘာ(၂၈) ကိုးကန့်တပ်မတော် (MNDAA)၊ တအာင်းအမျိုးသားလွတ်မြောက်ရေးတပ်မတော် (TNLA) နဲ့ ရက္ခိုင့်တပ်တော် (AA) ကဆောင်ရွက်နေတဲ့ ၁၀၂၇စစ်ဆင်ရေး (1027 Operation) ကို ကြိုဆိုထောက်ခံတဲ့အနေနဲ့ မိုးလုံးမှိုင်းစစ်ဆင်ရေး အရှိန်မြှင့်မယ်လို့ မိုးကုတ်တပ်ရင်းတွေ ထုတ်ပြန်လိုက်ပါတယ်။