C8News

ရန်ကုန်၊ သြဂုတ် (၁၅) ကျည်ပြတ်လုနီးပါး ဖြစ်နေတဲ့အတွက် အရေးပေါ်ကျည်ဝယ်ဖို့ လိုအပ်နေတယ်လို့ သံမဏိ Force_MPDF အဖွဲ့က ပြောပါတယ်။

ရန်ကုန်၊ သြဂုတ် (၁၂) သီရိလင်္ကာသမ္မတဟောင်း ဂိုတာဘာယာ ရာဂျာပါကဆာဟာ ယာယီနေထိုင်ဖို့အတွက် ထိုင်းနိုင်ငံကို ကြာသပတေးနေ့က ရောက်ရှိခဲ့ပါတယ်။ ထိုင်းနိုင်ငံဟာ ဂိုတာဘာယာ သီရိလင်္ကာနိုင်ငံကနေ ထွက်ပြေးလာခဲ့ပြီးနောက် ယာယီနေထိုင်ခွင့်တောင်းခဲ့တဲ့ ဒုတိယမြောက် အရှေ့တောင်အာရှနိုင်ငံ ဖြစ်ပါတယ်။

ရန်ကုန်၊ သြဂုတ် (၁၁) ရန်ကုန်တိုင်းဒေသကြီး၊ ရွှေပြည်သာမြို့နယ်၊ (၁၀) ရပ်ကွက်အုပ်ချုပ်ရေးမှူးရုံး၊ (၇) ရပ်ကွက် အုပ်ချုပ်ရေးမှူးရုံးနဲ့ စစ်ကောင်စီ လက်အောက်ခံတွေ ရုံးထိုင်ရာ ဓမ္မရုံ ကို လက်ပစ်ဗုံးနဲ့ ပစ်ခတ်တိုက်ခိုက်ခဲ့တယ်လို့ ရန်ကုန်မြို့ပြပြောက်ကျားအဖွဲ့ (YUGA) ပြည်သူ့ကာကွယ်ရေးတပ်ဖွဲ့ က ပြောပါတယ်။

ရန်ကုန်၊သြဂုတ်(၉) ထိုင်ဝမ်ကို အမေရိကန်အောက်လွှတ်တော်ဥက္ကဌ နန်စီပလိုစီ လာရောက်တာကို ကန့်ကွက်တဲ့အနေနဲ့ ထိုင်ဝမ်ကျွန်းတစ်ဝိုက် လုပ်ဆောင်ခဲ့တဲ့ ပေကျင်းရဲ့ အကြီးဆုံး စစ်ရေးလေ့ကျင့်မှုက သတ်မှတ်ထားတဲ့ နောက်ဆုံးရက် ပြီးသွားပါပြီ။ ဒါပေမဲ့ နောက်တစ်နေ့မှာ စစ်ရေးလေ့ကျင့်မှု အသစ်ကို တရုတ်က ထုတ်ပြန်ကြေညာခဲ့ပါတယ်။

ရန်ကုန်၊ သြဂုတ် (၈) ပြည်သူတွေရဲ့ နှမ်းခင်းတွေကို အမျိုးသားညီညွတ်ရေးအစိုးရ NUG လက်အောက်ခံ MOD အနောက်ပိုင်းတိုင်း၊ တပ်မဟာ (၇)၊ တပ်ရင်း (၇၀၁) က ရဲဘော်တချို့က နှမ်းရိတ်၊ နှမ်းခုတ် ကူညီပေးနေတဲ့ မြင်ကွင်းတွေကို ဖော်ပြပေးလိုက်ပါတယ်။ “ပြည်သူနဲ့ PDF ဆိုတာ ရေနဲ့ငါးလိုပါပဲ။ ရေမရှိဘဲ ငါးတွေအသက်မရှင်နိုင်သလို ပြည်သူတွေမရှိဘဲ PDF ဆိုတာလဲ ဖြစ်မလာနိုင်ပါဘူး။ PDF ဆိုတာ ပြည်သူတွေလိုအပ်နေချိန်မှာ ပြည်သူကိုကာကွယ်ဖို့ ကူညီဖို့ အမြဲအဆင်သင့်ပါ။” လို့ သူတို့ အဖွဲ့က ပြောပါတယ်။

ရန်ကုန်၊သြဂုတ်(၈) တိုင်းရင်းသား ပြည်သူလူထုနဲ့ တိုင်းရင်းသားလက်နက်ကိုင် အင်အားစုတွေက အာဏာရှင်ကို တွန်းလှန်တိုက်ဖျက်ဖို့အတွက် မယုံနိုင်လောက်အောင် ပူးပေါင်းဆောင်ရွက်နေကြတယ်လို့ အမျိုးသားညီညွတ်ရေးအစိုးရ ယာယီသမ္မတဒူဝါလရှီးလ က ပြောပါတယ်။

ရန်ကုန်၊သြဂုတ်(၈) ဒီနေ့မှာ ကျရောက်တဲ့ ရှစ်လေးလုံးအရေးတော်ပုံ နှစ်ပတ်လည်နေ့ ရန်ကုန်တိုင်းအတွင်းက ဒဂုံဆိပ်ကမ်းမြို့နယ် နဲ့ သာကေတမြို့နယ်တွေမှာ ပေါက်ကွဲမှုတွေ ဖြစ်ပေါ်ခဲ့တယ်လို့ ဒေသခံပြည်သူတွေဆီက သိရပါတယ်။