C8News

ရန်ကုန်၊သြဂုတ်(၈) ပျူစောထီးခေါင်းဆောင် အုပ်ချုပ်ရေးမှူး ဦးစိုးမင်း ကို ဇေယျာသော်စစ်ဆင်ရေးအဖြစ် ဒီနေ့မနက်ပိုင်းမှာ ပစ်ခတ်ရှင်းလင်းခဲ့တယ်လို့ သာယာဝတီခရိုင် တပ်ရင်း (၃၈၀၂) ဆီက သိရပါတယ်။

ရန်ကုန်၊သြဂုတ်(၈) ရန်ကုန်တိုင်းဒေသကြီး၊ မြောက်ဥက္ကလာပမြို့နယ်၊ (င)ရပ်ကွက် အုပ်ချုပ်ရေးမှူးရုံးမှာ မနေ့ညပိုင်းက ဗုံးခွဲတိုက်ခိုက်မှု ဖြစ်ခဲ့တယ်လို့ ဒေသခံတွေဆီက သိရပါတယ်။

ရန်ကုန်၊ သြဂုတ် (၇) မုံရွာခရိုင်တပ်ရင်း ၅ – Aung San Force က လက်နက်ကြီး စမ်းသပ်မှု အောင်မြင်တယ်လို့ ဒီနေ့ ညနေပိုင်းမှာ လူမှုကွန်ယက်ကတစ်ဆင့် အသိပေး ပြောကြားခဲ့ပါတယ်။

ရန်ကုန်၊သြဂုတ်(၇) ကွမ်းယာရောင်းရင်း PDF နဲ့ CDM ဖမ်းဆီးဖို့ အမြဲပြောဆိုနေတဲ့ ပျူစောထီးအဖွဲ့ဝင် ဆိုတဲ့ မသန္တာ ကို မနေ့ညနေပိုင်းမှာ အမည်မသိ သေနတ်ကိုင်ဆောင်ထားသူတွေက ပစ်ခတ်ခဲ့တာကြောင့် သေဆုံးသွားပြီ ဖြစ်တယ်လို့ ဒေသခံပြည်သူတွေဆီက သိရပါတယ်။

ရန်ကုန်၊ သြဂုတ် (၇) (၃) ရက်အတွင်း တိုက်ခိုက်မှုတွေကြောင့် စစ်ကောင်စီတပ်က စစ်ကြောင်းမှူး အပါအဝင် (၃၆) ဦး သေဆုံးခဲ့တယ်လို့ ပြည်သူ့ကာကွယ်ရေးမြို့ပြ ပြောက်ကျားတပ်ဖွဲ့ (မန္တလေး) က ဒီနေ့မှာ ပြောပါတယ်။

ရန်ကုန်၊ သြဂုတ် (၇) ဒဿ Monywa PDF ပျောက်ကြားတပ်ဖွဲ့ ခေါင်းဆောင် ဗိုလ်ဒဿ မိုင်းမတော်တဆမှုကြောင့် ကွယ်လွန်သွားခဲ့တယ်လို့ ဒီနေ့ မနက်ပိုင်း ထုတ်ပြန်ချက်အရ သိရပါတယ်။ “အလေးနီပြုပါတယ် ဗိုလ်ဒဿရယ် ကောင်းရာသုဂတိသို့ရောက်ပါစေ ဆရာဒဿ ရေ…အရေးတော်ပုံအောင်ပီ၊ အရေးတော်ပုံအောင်ပီ၊ အရေးတော်ပုံအောင်ပီ နောင်ဘဝရောက်ရင် မျက်နှာစုတ်ပျက်တဲ့ဘဝနဲ့ မသေပါစေနဲ့ ဆရာဒဿရယ်” လို့ သူတို့ရဲ့ လူမှုကွန်ယက်မှာ ရေးသားထားပါတယ်။

ရန်ကုန်၊ သြဂုတ် (၇) ရန်ကုန်တိုင်းဒေသကြီး၊ အင်းစိန်မြို့နယ်၊ အောင်ဆန်းရပ်ကွက် အုပ်ချုပ်ရေးမှူးရုံးကနေ ပြန်လာတဲ့ အုပ်ချုပ်ရေးမှူး ဦးတင်မောင်နိုင် နဲ့ ဇနီးဖြစ်သူ ဒေါ်သီသီအေး တို့ သေနတ်နဲ့ ပစ်ခတ်ခံရလို့ ဇနီးဖြစ်သူ သေဆုံးသွားတယ်လို့ မြို့ခံတွေဆီက သိရပါတယ်။