C8News

ရှမ်း၊ ဩဂုတ် (၃၀) ၁၀၂၇ စစ်ဆင်ရေး အပိုင်း (၂) စစ်ဆင်ရေးအတွင်း စစ်ကောင်စီဆီက ထပ်မံသိမ်းပိုက်နိုင်ခဲ့တဲ့ မြို့တွေမှာ အုပ်ချုပ်ရေးယန္တရား ကောင်းမွန်စွာ ပြန်လည် လည်ပတ်နိုင်ဖို့ လုပ်ဆောင်နေတယ်လို့ ပလောင်ပြည်နယ်လွတ်မြောက်ရေးတပ်ဦး PSLF/TNLA အထွေထွေအတွင်းရေးမှူး ဗိုလ်ချုပ်တားဘုန်းကျော် ကပြောပါတယ်။

ရှမ်း၊ ဩဂုတ် (၃၀) အခုလ ဩဂုတ်လ (၂၂) ရက်ကနေ မနေ့ကအထိ ရှေ့တန်းမှာ တိုက်ပွဲဝင်နေကြတဲ့ တအာင်းအမျိုးသားလွတ်မြောက်ရေးတပ်မတော် TNLA တပ်ဖွဲ့ဝင်တွေရဲ့ မြင်ကွင်းတွေ ဖြစ်ပါတယ်။ ၁၀၂၇ စစ်ဆင်ရေး အပိုင်း (၂) က အခုဆို ရက်ပေါင်း (၆၆) ကျော်ကြာပြီ ဖြစ်ပါတယ်။

ရန်ကုန်၊ ဩဂုတ် (၂၈) စစ်ကောင်စီနဲ့ပတ်သက်ပြီး နိုင်ငံတကာအသိုက်အဝန်းကနေ ထိရောက်တဲ့ အရေးယူ ဆောင်ရွက်မှု ပျက်ကွက်နေလို့ မြန်မာပြည်သူတွေ ခံစားနေရတဲ့ ဒုက္ခတွေက တစ်နေ့ထက်တစ်နေ့ ပိုမိုဆိုးရွားလာတယ်လို့ ကုလသမဂ္ဂဆိုင်ရာ မြန်မာအမြဲတမ်းကိုယ်စားလှယ် သံအမတ်ကြီး ဦးကျော်မိုးထွန်း ကထောက်ပြပါတယ်။

ရန်ကုန်၊ ဩဂုတ် (၂၈) မြန်မာနိုင်ငံရဲ့ အခြေအနေဟာ အဆိုးရွားဆုံး အရေးပေါ်အခြေအနေကို ရောက်နေပြီလို့ ကုလသမဂ္ဂ ဖွံ့ဖြိုးတိုးတက်ရေး အစီအစဉ် UNDP ကပြောပါတယ်။

ရန်ကုန်၊ ဩဂုတ် (၂၈) ငွေကြေးတန်ဖိုး ကျဆင်းမှုတွေနဲ့အတူ အထွေထွေ အကြပ်အတည်းတွေကို မွန်းကြပ်စွာ ရင်ဆိုင်နေရတဲ့ ပြည်သူတွေကို စစ်ကောင်စီက ဒုက္ခတွေ အထပ်ထပ်ပေးနိုင်ဖို့ အချိန်နဲ့အမျှ စဥ်းစားနေတာ ဖြစ်တယ်လို့ အမျိုးသားညီညွတ်ရေးအစိုးရ NUG ပြည်ထောင်စုဝန်ကြီးချုပ် မန်းဝင်းခိုင်သန်း ကပြောပါတယ်။

စစ်ကိုင်း၊ ဩဂုတ် (၂၈)​ စစ်ကိုင်းတိုင်းဒေသကြီး၊ ယင်းမာပင်ခရိုင်၊ ဆားလင်းကြီးမြို့ ရဲစခန်းက ရဲတပ်သားတစ်ယောက် ဓားမဆိုင်းတပ်မတော် ဆီကို လာရောက် အလင်းဝင်ခဲ့တယ်လို့ သိရပါတယ်။

တနင်္သာရီ၊ ဩဂုတ် (၂၇)​ တနင်္သာရီတိုင်းဒေသကြီးအတွင်းက ရှေ့တန်းတစ်နေရာမှာ ပြည်သူတွေရဲ့ ဘ၀လုံခြုံဖို့အတွက် တာဝန်ထမ်းဆောင်နေတဲ့ မြိတ်ပြည်သူ့ကာကွယ်ရေးအဖွဲ့က တပ်ဖွဲ့ဝင်တွေရဲ့ မြင်ကွင်းတွေကို မနေ့ညမှာ ထုတ်ပြန်လိုက်ပါတယ်။

ရန်ကုန်၊ ဩဂုတ် (၂၆) မန္တလေးတိုင်းဒေသကြီး၊ ပြင်ဦးလွင်ခရိုင်၊ သပိတ်ကျင်းမြို့သိမ်းတိုက်ပွဲမှာ အရှင်ဖမ်းမိခဲ့တဲ့ ဒုတိယဗိုလ်မှူးကြီး စိုးမင်းသူ ကို နိုင်ငံတကာ စစ်ဥပဒေတွေနဲ့အညီ ကောင်းမွန်စွာ ထိန်းသိမ်းထားရှိတယ်လို့ အမျိုးသားညီညွတ်ရေးအစိုးရ NUG ကာကွယ်ရေးဝန်ကြီးဌာနက ဒီနေ့မှာ ပြောပါတယ်။

မန္တလေး၊ ဩဂုတ် (၂၆) မန္တလေးတိုင်းဒေသကြီး၊ သပိတ်ကျင်းမြို့နယ်က ဗိုလ်မှူးချုပ် စိုးကျော်ထိုက် ဦးစီးတဲ့ ကွင်း (၅၀၀) တပ်စခန်းကို မနေ့က အပြီးသတ် သိမ်းပိုက်နိုင်ခဲ့တယ်လို့ ပြည်သူ့ကာကွယ်ရေးတပ်မတော် (မန္တလေး) စစ်ဦးစီးအဖွဲ့ က ဒီနေ့မှာ ပြောပါတယ်။

စစ်ကိုင်း၊ ဩဂုတ် (၂၆) စစ်ကိုင်းတိုင်းဒေသကြီး၊ ခန္တီးခရိုင်၊ ဟုမ္မလင်းမြို့နယ်၊ လောင်းမင်းရွာတိုက်ပွဲမှာ စစ်ကောင်စီဘက်က (၅) ယောက်ကို အရှင်ဖမ်းမိခဲ့ပြီး သေနတ် (၁၀) လက်၊ ကျည်မျိုးစုံ (၁၁၈၄) တောင့်၊ ဗုံးသီး (၆) လုံးနဲ့ ကျည်အိမ် (၂၁) ခု သိမ်းဆည်းရမိခဲ့တယ်လို့ အမှတ်-၁ စစ်ဒေသ က ဒီနေ့မှာ ပြောပါတယ်။