C8News

ရန်ကုန်၊ဇန်နဝါရီ(၁) အာဏာသိမ်း စစ်ခေါင်းဆောင် ဗိုလ်ချုပ်မှုးကြီး မင်းအောင်လှိုင် နဲ့ စစ်ခေါင်းဆောင်တွေ ကို အောက်ခြေတပ်ဖွဲ့ဝင်မိသားစုတွေက ယုံကြည်မှုနည်းနေပြီး အမှန်တရားဘက်ကို ကူးပြောင်းကာ ပြည်သူနဲ့အတူ ပူးပေါင်းစေချင်တဲ့ သဘောရှိတယ်လို့ တပ်မတော်ချစ်သူများကွန်ရက် အဖွဲ့ဝင်တွေက ပြောပါတယ်။ အာဏာသိမ်းစစ်ကောင်စီ လက်အောက်မှာ အမိန့်အရ၊ စားဝတ်နေရေးအရ တပ်တွင်းဝင်ကာ တပ်မတော်တာဝန်တွေကို ထမ်းဆောင်နေတဲ့ ရှေ့တန်းရောက် တပ်မတော်သားတွေဆီကို မိသားစုဝင်တွေက မှာကြားလိုသော ပေးစာတွေမှာ ပြည်သူ့ဘက်ကို ကူးပြောင်းစေချင်တဲ့ သဘောမျိုးတွေပါတဲ့ စာတွေကို လက်ခံရရှိတယ်လို့ တပ်မတော်ချစ်သူများကွန်ရက် ဒီဇင်ဘာ(၂၆) ရက်နေ့မှာ ဖော်ပြထားပါတယ်။ အာဏာသိမ်းကာလမှာ မိမိတို့ရဲ့ရှေ့တန်းရောက် တပ်သားတွေအတွက် အသက်အန္တရာယ်ကို စိုးရိမ်ကြောင့်ကြနေရတဲ့ မိဘတွေရဲ့ ပူပန်မှုနဲ့ ပြည်သူတစ်ရပ်လုံးနီးပါးက မုန်းတီးစက်ဆုပ်လာတဲ့ အဖွဲ့အစည်းကြီးမှာ စိတ်မပါပေမယ့် တာဝန်ဆက်လက်ထမ်းဆောင်နေရတဲ့ သားကောင်းစစ်သည်တွေအနေနဲ့မိမိတို့ရဲ့ ကိုယ်ပိုင်ဆုံးဖြတ်ချက်ဖြစ် အချိန်မီဘက်ကူးပြောင်းကာ အမှန်တရား…