ရန်ကုန်၊ ဒီဇင်ဘာ (၂၂) အာဏာသိမ်းစစ်ကောင်စီတပ်တွေ ဒီနေ့ မနက်အစောပိုင်းက စစ်ကိုင်းတိုင်းဒေသကြီး၊ ကလေးမြို့နယ်၊ နတ်ချောင်းကျေးရွာ ကို ရောက်ရှိလာပြီး နေအိမ်တွေကို ဝင်ရောက်ဖျက်ဆီးကာ အမျိုးသမီးတစ်ဦးကို ဖမ်းဆီးခေါ်ဆောင်သွားတယ်လို့ ကလေးမြို့နယ် ပြည်သူ့ကာကွယ်ရေးတပ်ဖွဲ့က ပြောဆိုထားပါတယ်။ “မနက် ၅ နာခွဲကျော်လောက် ရောက်လာတယ်။ လက်နက်ကြီး တစ်ချက် ပစ်သံကြားလိုက်တယ်၊ နေအိမ်တွေထဲ ဝင်ပြီး စစ်ဆေးတာ၊ ရှာဖွေတာတွေလုပ်တယ်၊ အိမ်တစ်လုံးဖျက်ဆီးသွားတယ်။ အမျိုးသမီးတစ်ဦးကိုတော့ လက်နောက်ပြန်ကြိုး တုတ်ပြီး ဖမ်းသွားတယ်လို့ သိရတယ်။” လို့ ဒေသခံတစ်ဦးက ပြောပါတယ်။ အကြမ်းဖက် စစ်ကောင်စီတပ်ဖွဲ့ဝင်တွေဟာ ဒီနေ့ မနက်ပိုင်းမှာ ချောင်းခွကျေးရွာ ပန်းမွန်ချောင်းတံတား အနီး အရင်က ရဲကင်းဟောင်းနေရာမှာလဲ တပ်စွဲနေရာယူထားပါတယ်။
read more
by C8 News