C8News

ရန်ကုန်၊ မတ် (၂၀) KNU ထိန်းချုပ်နယ်မြေဖြစ်တဲ့ ညောင်လေးပင်ခရိုင်အတွင်းက ကျောက်ကြီးမြို့နယ်၊ ကွီးလားကျေးရွာနဲ့ ဆောထိမြို့နယ်၊ တကက်ပူကျေးရွာတွေကို စစ်ကောင်စီတပ်တွေက ဒီနေ့ မနက် (၂) နာရီဝန်းကျင်က ဗုံးကြဲတိုက်ခိုက်ခဲ့တယ် ကရင်အမျိုးသားအစည်းအရုံး KNU က ပြောပါတယ်။

ရန်ကုန်၊ မတ် (၁၀) ဒီနေ့ မနက် (၆) နာရီ ဝန်းကျင်က စတင်ကာ စစ်ကောင်စီတပ်တွေ တိုက်လေယာဉ်၊ ကင်းထောက်လေယာဉ်တွေနဲ့ ကယားပြည်နယ်၊ ဒီးမော့ဆိုမြို့နယ်၊ ဒေါငံကျေးရွာက ဘာသာရေး အဆောက်အဦးတွေကို ဗုံးကြဲတိုက်ခိုက်ခဲ့တယ်လို့ ပြည်သူ့ကာကွယ်ရေးတပ် – ဒီးမော့ဆိုမြို့နယ် က ပြောပါတယ်။

ရန်ကုန်၊ ဇန်နဝါရီ (၂၉) ဖယ်ခုံ PDF က ဒီနေ့ မနက်ပိုင်းက ရှမ်းပြည်နယ်၊ ဖယ်ခုံမြို့ ၊ ကုန်းဆုံကျေးရွာ၊ ထိုင်တော်မူဘုရား အနီးက ကင်းစခန်းတစ်ခု ကို ဝင်ရောက်တိုက်ခိုက်ခဲ့တယ်လို့ သိရပါတယ်။ တိုက်ပွဲဖြစ်ပွားချိန် (၃) နာရီနီးပါးကြာမြင့်ခဲ့ပြီး စစ်ကောင်စီတပ်ဖွဲ့ဝင် (၁၀) ဦးထက်နည်း သေဆုံးခဲ့သလို အများအပြားထိခိုက်ဒဏ်ရာရှိခဲ့တယ်လို့ PDF Pekhon ရဲ့ ထုတ်ပြန်ချက်မှာ ရေးသားထားပါတယ်။ စစ်ကောင်စီဘက်က တိုက်ပွဲဖြစ်ပွားနေချိန်အတွင်းမှာ တိုက်လေယာဉ် (၂) စီး နဲ့ လာရောက်ဗုံးကြဲပစ်ခတ်ခဲ့တဲ့အတွက် PDF Pekhon (၂) ဦးလည်း ထိခိုက်ဒဏ်ရာရှိခဲ့တယ်လို့ သိရပါတယ်။

ရန်ကုန်၊ ဇန်နဝါရီ (၁၈) PDF အဖွဲ့တွေ အနေနဲ့ ဆေးရုံ၊ စာသင်ကျောင်း၊ ဘာသာရေးအဆောက်အသီးတွေမှာ စခန်းချတာ၊ စစ်သင်တန်းဖွင့်လှစ်ပါက ပစ်မှတ်ထားပြီး လေယာဉ် တွေနဲ့ ဗုံးကြဲသွားမှာ ဖြစ်တယ်လို့ စစ်ကောင်စီလက်အောက်ခံ အုပ်ချုပ်ရေးမှူး တွေက စစ်ကိုင်းတိုင်းဒေသကြီး၊ထီးချိုင့်မြို့နယ်၊ ကြက်တကောင်းရွာ မှာ စာတွေလိုက်လံကပ်ပြီး ကြေညာခဲ့တယ်လို့ ဒေသခံ ပြည်သူတွေက ပြောပါတယ်။ “ရပ်မိ၊ ရပ်ဖ တွေအနေနဲ့ နောက်တစ်ခါ PDF တွေကို လက်ခံ အားပေးပါက၊ သင်တန်းဖွင့်ပါက ရွာလုံးကျွတ် ရွှေ့ပြောင်းရမယ်” လို့ ထီးချိုင့်မြို့နယ် အုပ်ချုပ်ရေးမှူး က ကြေညာချက် ထုတ်ပြန်လိုက်ပါတယ်။ စစ်ကောင်စီလက်အောက်ခံတွေက PDF တွေနဲ့ ပတ်သက်တဲ့ သတိပေးထုတ်ပြန်စာတွေ မြို့နယ်အတွင်း လိုက်ကပ်တဲ့အချိန်မှာ ဆိုင်ကယ်စီးလာတဲ့ အပြစ်မယ့် ပြည်သူနှစ်ဦးကိုလည်း သေနတ်နဲ့…

ရန်ကုန်၊ ဇန်နဝါရီ (၁၆) ကရင်နီပြည်နယ် (ကယား)၊ ဒီးမော့ဆိုမြို့နယ်၊ နန်းမယ်ခုံရွာ နဲ့ လွိုင်ကော်မြို့နယ်၊ မိုင်းလုံရပ်ကွက် ဘက်ကို စစ်ကောင်စီတပ်က တိုက်လေယာဉ်တွေ အသုံးပြုပြီး ဒီနေ့ ညနေ (၅) နာရီခွဲ က ဗုံးကြဲ တိုက်ခိုက်ခဲ့လို့ အပြစ်မဲ့ပြည်သူတချို့ ထိခိုက်၊ သေဆုံးတာတွေ ရှိခဲ့တယ်လို့ ဒေသခံပြည်သူ တွေက ပြောပါတယ်။ “ရှေ့အပတ်ကတော့ ကြိုတင်သတင်းရတော့ ပြည်သူတွေကြိုရှောင်တော့ ထိခိုက်မူမရှိဘူးဗျ။ အခုက ရုတ်တစ်ရက် လေယာဉ် နဲ့ လာပြီး ဗုံးကြဲချလိုက်တော့ စစ်ဘေးရှောင်အပြစ်မဲ့ ပြည်သူတွေ အတော်များများထိတယ်ဗျ။ ခုလက်ရှိတော့ (၃) ယောက် ထိထားတယ်။ အတိကျတော့ မသိရသေးဘူး။ ခုထိလေယာဉ်တွေနဲ့ ကြဲနေလို့ အခြေနေတွေက မတည်ငြိမ်လို့ သေချာမသိရသေးဘူးဗျ။ အခုလက်ရှိက မီးတွေပျက်ပြီး လိုင်းတွေဖြတ်ထားလို့…

ရန်ကုန်၊ ဇန်နဝါရီ (၁၃) ကရင်ပြည်နယ်၊ မူတြော်ခရိုင်၊ ဒွယ်လိုးမြို့နယ်၊ ဝေါ်မူကျေးရွာအုပ်စု၊ ရွှေညောင်ပင်ကျေးရွာ ကို ဒီနေ့ မနက်အစောပိုင်းက စစ်ကောင်စီတပ် တွေ လေယာဉ် (၂) စင်း နဲ့ ထပ်မံလာရောက် ဗုံးကြဲလို့ ပြည်သူတစ်ဦး သေဆုံးသွားခဲ့တယ်လို့ ကရင်အမျိုးသားအစည်းအရုံး KNU က အတည်ပြုပြောကြားခဲ့ပါတယ်။ ဗုံးကြဲတိုက်ခိုက် ခံရလို့ ပြည်သူ (၃) ဦး ထည်းထိခိုက်ဒဏ်ရာရရှိခဲ့ပြီး အဆောက်အဦး (၅) လုံးလည်း ထိမှန်ပျက်စီးခဲ့တယ်လို့ ဒီနေ့ ထုတ်ပြန်ချက်မှာ ရေးသားထားပါတယ်။ ကရင်ပြည်နယ် မှာ စစ်ကောင်စီတပ် တွေ နဲ့ တိုင်းရင်းသားကာကွယ်ရေး တပ်တွေ၊ ဒေသခံကာကွယ်ရေးတပ် တွေကြား မကြာခဏဆိုသလို တိုက်ပွဲတွေ ဖြစ်ပွားနေပါတယ်။