C8News

ရန်ကုန်၊ ဇန်နဝါရီ (၂၄) ရန်ကုန်မြို့၊ ဘုရင့်နောင်လမ်းမပေါ်မှာရှိတဲ့ သီရိမင်္ဂလာဈေး စည်ပင်ရုံးရှေ့မှာ မနေ့ညပိုင်းက ဗုံးပေါက်ကွဲမှု ဖြစ်ပွားခဲ့သလို တချိန်ထဲမှာပဲ သေနတ်ပစ်ခတ်မှုလည်း ဖြစ်ပွားခဲ့တယ်လို့ ဈေးသူ၊ ဈေးသားတွေက ပြောပါတယ်။ ပေါက်ကွဲမှုဖြစ်ပွားခဲ့လို့ စည်ပင်ဝန်ထမ်းနှစ်ဦး ထိခိုက်ဒဏ်ရာရရှိခဲ့ပြီး သေနတ်သမားတစ်ဦးရဲ့ ပစ်ခတ်ခဲ့လို့လည်း ကုန်တင်ကုန်ချပြုလုပ်နေတဲ့ ပြည်သူတစ်ဦး သေနတ်ထိမှန်ခဲ့တယ်လို့ သိရပါတယ်။ စစ်တပ်က အာဏာသိမ်းပြီးနောက် စစ်ကောင်စီ ရဲ့ လက်အောက်ခံတွေ နဲ့ ဒေါက်တိုင်တွေကို ပုံစံအမျိုးမျိုး နဲ့ တော်လှန်ရေးအင်အားစု တွေ က သုတ်သင်ရှင်းလင်းနေတာ ဖြစ်ပါတယ်။

ရန်ကုန်၊ ဒီဇင်ဘာ(၃၁) ရန်ကုန်တိုင်းဒေသကြီး၊ ဒေါပုံမြို့နယ်၊ ဆေးစက်ရပ်ကွက်၊ ဘုရင့်နောင်လမ်း မှာနေထိုင်တဲ့ ရပ်ကွက်အုပ်ချုပ်ရေးမှူး ဦးဝေဇင်အောင် ကို အမည်မသိသူနှစ်ဦးက ဒီနေ့မနက်ပိုင်းမှာ သေနတ်နဲ့ပစ်ခတ်ခဲ့လို့ သေဆုံးသွားပြီဖြစ်တယ်လို့ ဒေသခံပြည်သူတွေဆီက သိရပါတယ်။ “မနက်ကရပ်ကွက်ရုံးရှေ့မှာ ကွမ်းယာဝယ်တုန်းအပစ်ခံရတာ၊ လေးငါးချက်လောက်ထိတယ်၊ သူ့ဦးလေးလည်းထိတယ်၊ အုပ်ကြီးဆိုတဲ့ကောင်က ဆေးရုံပို့ပြီး နေ့လည်ပိုင်းလောက်မှာ သေတယ်လို့ သိရတယ်” လို့ အမည်မဖော်လို့တဲ့ ဒေါပုံမြို့နယ်မှာ နေထိုင်သူတစ်ဦးက ပြောပါတယ်။ ဒီနေ့ မနက်(၈) နာရီကျော်က ရပ်ကွက်အုပ်ချုပ်ရေးမှူး ဦးဝေဇင်အောင် ကို ဘက်ထရီစက်ဘီးစီးလာသူ နှစ်ဦးကပစ်ခတ်ခဲ့တဲ့အတွက် ဝမ်းဗိုက်နဲ့ ယာပေါင်မှာ ကျည်ထိမှန်ခဲ့ပြီးနောက် ဆေးရုံကိုပို့ဆောင် ဆေးကုသပေးနေချိန် ဒီနေ့နေ့လည်ပိုင်းမှာ သေဆုံးသွားတာဖြစ်တယ်လို့ သိရပါတယ်။ ဒီနေ့မနက်ပိုင်းမှာပဲ ရန်ကုန်တိုင်းအတွင်းက ကော့မှူးမြို့နယ်၊ ကျိုက်ထောက်ကျေးရွာက ရာအိမ်မှူး (၂) ဦး နဲ့ လှိုင်မြို့၊…